Шымкенттік дәрігер ауыр індеттен мыңдаған науқасты аман алып қалды

Шымкент қаласында індетпен күресте науқастардың өмірі үшін алдынғы шепте күрескен дәрігерлер қатары өте көп. Бұл туралы Шымкент қаласы әкімдігінің баспасөз қызметі хабарлайды.


Осындай батыр маманның бірі, білікті дәрігер, инфекционист — Шолпан Тулешова. Оның 25 жылдан бері денсаулық сақтау саласында абыройлы еңбек етіп, халық саулығы үшін атқарған жұмысы ерен.

Ел ішінде індет тарала бастағаннан білікті маман инфекцияға шалдыққан науқастарды емдеу үшін Асар шағын ауданындағы инфекциялық госпитальге жұмысын ауыстырды. Шолпан Мұхитқызы  бұған дейін №2 қалалық емханада еңбек етіп келген. 

Қазіргі таңда Ш.Тулешова инфекциялық орталықта коронавирустық инфекциясы бар пациенттерге сапалы медициналық көмек көрсетуді жалғастырып отыр. Осы күнге дейін дәрігер мыңдаған науқасты қауіпті індеттен емдеп шыққан. 

Емдеу ісіндегі біліктілігінің арқасында дәрігер өз әріптестері мен халық алдында үлкен құрметке бөленген абзал жан. Ол бірнеше рет республикалық емдеу мекемелерінде білімін жетілдіріп, оң нәтижелерге қол жеткізген.

 «ANYQ.KZ»-ақпарат

Ad Widget

Recommended For You

About the Author: admin

Добавить комментарий

Ваш адрес email не будет опубликован.