Шымкентте ветеринариялық қауіпсіздік тұрақты бақылауда

Шымкент қаласында ҚР агроөнеркәсіптік кешенін дамытудың 2017 — 2021 жылдарға арналған мемлекеттік бағдарламасы аясында өткен жылы эпизоотияға қарсы іс-шараларға 129,7 млн теңге бөлінген. Бұл туралы Шымкент қаласы әкімінің баспасөз қызметі хабарлайды.


Ол қаржыға жануарлар мен адамға ортақ аса қауіпті 29 түрлі ауруға қарсы диагностикалық зерттеулер мен 14 түрлі жұқпалы ауруларға қарсы профилактикалық егу жұмыстары жүргізілді.

Жануарлардың энзоотиялық ауруларына қарсы іс-шараларды жүргізуге 42,2 млн теңге бөлініп, оған 162 492 басқа бүрку, 240 652 басқа тоғыту жұмыстары жүргізілген.

3 млн 922 мың шаршы метрлік үй іргелік қора жай, 751 мың шаршы метрді құрайтын буферлік аумақ кенеге қарсы залалсыздандырылды.

Сонымен қатар, 2020 жылы егеуқұйрықтарға қарсы дератизация жұмыстары жоспарланған 10 млн 833 мың шаршы метр 12 өзен мен канал аумағында, 33 мың шаршы метр көп қабатты тұрғын үйлердің қоқыс тастайтын контейнерлері мен Ақтас тұрғын алабы аумағындағы 580 мың шаршы метр қоқыс тастайтын полигонда толық көлемде атқарылды.

 «ANYQ.KZ»-ақпарат

Ad Widget

Recommended For You

About the Author: admin

Добавить комментарий

Ваш адрес email не будет опубликован. Обязательные поля помечены *