Түркістан облысының адами әлеуетті дамыту басқармасының «Арыс қаласының адами әлеуетті дамыту бөлімі» мемлекеттік мекемесіне қарасты «Мейірімділік» ерікті жастар клубының мүшелері ұстаздар мерекесіне орай ардагер ұстаздардың шаңырағына барып, сый құрмет көрсетті. Жасы келген жандарға әрдайым қолұшын созып,олардың өнегелі өмірі туралы біліп, өмірін еңбекке арнаған жандардың еткен еңбегін насихаттау және жастарды мейірімділікке баулу мақсатында ұйымдастырылған акцияда ардагер ұстаздар Досжанова Хадиша апай, Айтымбетова Майтан апай жас буынға алғысын білдірді.
