Жаңа оқу жылы қарсаңында әскери дайындық жұмыстары пысықталды.
Әскери–патриоттық тәрбие алғашқы әскери дайындықпен тығыз ұштастырыла отырылып, жастардың әскери iстi жақсы меңгеруiне, төтенше жағдайларда қорғанудың тәсiлдерi мен құралдарын дұрыс пайдалана бiлуiне ықпал етеді. Әскери-патриоттық тәрбие беруде мұғалімнің атқаратын ролі өте маңызды. Болашақ Отан қорғаушысын дайындау біздің ең өзекті де басты міндеттеріміздің бірі болып табылады.
Жетісай ауданының адами әлеуетті дамыту бөліміне қарасты Ә.Молдағұлова атындағы ✓34 жалпы орта мектебінде 23-25 тамыз аралығында Жетісай және Мақтаарал аудандарының қорғаныс істері жөніндегі біріктірілген бөлімі мен Жетісай ауданының адами әлеуетті дамыту бөлімінің бірлесе ұйымдастыруымен аудан көлеміндегі АӘжТД пәні оқытушы-ұйымдастырушыларымен 3 күндік оқу-әдістемелік жиыны өткізілді.
Білім беру ұйымдарында оқушылардың Отан қорғауға деген қызығушылықтарын арттыра отырып, көшбасшылық дағдыларын қалыптастыру, Қазақстан Республикасы Қарулы күштеріне қызметке, әскери-патриоттық тәрбиеге жасөспірімдерді дайындау және АӘжТД пәні оқытушы-ұйымдастырушыларының жұмыс деңгейін арттыру, оқу-материалдық базасын толық жетілдіру, әскери-патриоттық тәрбие жұмыстарының сапасын жоғарылату, жасөспірімдердің дене дайындығы жұмыстарын дамыту мақсатында ұйымдастырылған жиында мына бағыттар бойынша жоспар құрылып, іске асырылды:
- ҚР Президенті Қ.К.Тоқаевтың «Жаңа Қазақстан: жаңару мен жаңғыру
жолы» атты Қазақстан халқына жолдауын іске асыруға атсалысу;
- Медициналық-санитарлық дайындық;
- АӘжТД пәні бойынша іс-құжаттарды дайындау әдісі;
- Саптық даярлық;
- Азаматтық қорғаныс;
- Әскери топография;
- Атыс дайындығы;
- Озат іс-тәжірибелер.
Оқу-әдістемелік жиынында Ы.Алтынсарин атындағы ұлттық білім академиясы дайындаған 2022-2023 оқу жылына АӘжТД пәні бойынша оқу процесін ұйымдастырудың ерекшеліктері туралы әдістемелік нұсқаулық хатпен таныстырудан бастап, саптық жүріс пен әскери жетекшілердің дайындығы, көкжиек тұстарын компас көмегімен анықтау, атыс даярлығы, атыс тәсілдері, атыс жүйесі, Қазақстанның қазіргі армиясы, шет мемлекеттер армияларының жаппай жою қаруы сияқты қызықты да мазмұнды тақырыптар қамтылды.
Жиынды Жетісай және Мақтаарал аудандарының қорғаныс істері жөніндегі біріктірілген бөлімінің жауапты қызметкері, сержант Б.Алимбетов пен ААӘДБ әдіскері Ғ.Боранбаев қорытындылап, тағылым мен тәрбиеге бай өткен оқу-семинарын ұйымдастыруға атсалысқан барша әріптестер мен барлық жиын қатысушыларына алғыстарын білдірді.
