Мақтаарал аудандық Адами әлеуетті дамыту бөліміне қарасты Жамбыл атындағы №39 жалпы орта мектеп кітапханасы Ұлы Отан соғысының ардагері Әзілхан Нұршайықовтың өмірі мен шығармашылығына арналған «Ерлік пен махаббат жыршысы» атты кітап көрмесі мен әдеби кеш ұйымдастырды. Өмірдің сан алуан қиындығын бастан кешсе де, өзі таңдаған сара жолдан таймай, өмірінің ақырғы күндеріне дейін адамзатқа рухани азық сыйлап, ұрпақты ізеттілік пен сүйіспеншілікке баулып өткен Әз ағаның шығармаларымен сусындату – кештің басты мақсаты болды.
