САРЫАҒАШ: «Білім беру сапасын арттыру құралы ретінде оқыту мен тәрбиелеудің инновациялық технологияларын кешенді пайдалану» тақырыбында әдістемелік десант өтті

2-4 қараша аралығында Сарыағаш ауданы адами әлеуетті дамыту бөлімінің білім беру ұйымдары мен ТжКБ ұйымдарының педагогтеріне арналған «Білім беру сапасын арттыру құралы ретінде оқыту мен тәрбиелеудің инновациялық технологияларын кешенді пайдалану» тақырыбында әдістемелік десант өтті.

Іс шара аудан көлемінде әдіскерлердің, педагогтердің шығармашылық, инновациялық жұмыстарының әдістемесін жетілдіру, ақпараттық технологияларды тиімді пайдалану арқылы оқушылардың функционалды сауаттылығын дамыту, кәсіби құзыреттіліктерін арттыру бойынша әдістемелік көмек беру мақсатында ұйымдастырылды.

Жиынға Сарыағаш ауданының адами әлеуетті дамыту бөлімінің әдіскерлері, мектепке дейінгі ұйым тәрбиешілері, директордың бейіндік оқыту жөніндегі орынбасарлары, директорының оқу ісі жөніндегі орынбасарлары, директордың тәрбие жөніндегі орынбасарлары, сынып жетекшілердің ӘБ жетекшілері, бастауыш сынып педагогтері, ағылшын, өзбек, тәжік тілі пәні мұғалімдері, информатика пәні мұғалімдері, тарих пәнінің әдістемелік бірлестік жетекшілері, химия пәні мұғалімдері, математика пәні мұғалімдері, алғашқы әскери және технологиялық дайындық пәні мұғалімдері, дефектолог, логопед, дамыту-түзету сыныбының жетекшілері, педагог-психологтары және ТжКББ ұйымдарының жас педагогтері, әдіскерлері қатысты.

Шарада орталықтың әдіскерлері «Мектепке дейінгі тәрбие мен оқытудың сапасын арттырудың негізгі бағыттары», «Мектеп оқушыларының функционалдық сауаттылығын дамыту жолдары», «Заманауи білім беру кеңістігіндегі цифрлық сауаттылық», «Тәрбие жұмысын ұйымдастырудағы инновациялық әдіс-тәсілдер», «Бастауыш сыныпта білім сапасын арттыруда өз бетімен дами алатын оқушыларды жетелеу мақсатында мұғалімге бағыт-бағдар беру, білімдерін жетілдіру», «Олқылықтарды жою мәселесі бойынша тиімді бағыт беру», «Информатика пәнінен таңдау курстарын оқытудың ерекшеліктері» тақырыптарында әдістемелік кеңес жүргізілді.