«Әлемдік кеңістіктегі Ахмет және ұлт бейнесі» танымдық- зерттеу конференциясы
Мақсаты: Ұлт ұстазы, ұлттық ғылымның негізін салушы Ахмет Байтұрсынұлына арналған бүгінгі ғылыми конференция ұлы тұлғаның сан салалы шығармашылық мұрасын зерделей келе, тарихи дәуірдің де ғылыми танымын, қоғамдық-мәдени сипатын таныту.
Қазақ халқының ХХ ғасырдың басындағы ұлт-азаттық қозғалыс жетекшілерінің бірі, мемлекет қайраткері, Ахмет Байтұрсынұлының өмір жолына арналған ақпарат айтылды.
Өмірі мен қызметіне арналған видеороликтер көрсетілді. Репрессия құрбаны болған А. Байтұрсынұлының творчествосы мен тағдыры жайлы ғылыми жобалар мен баяндамалар қорғалды. Ана тілімізді құрметтеуге, қадірлеуге, ұлттық санамызды, ұлттық болмысымызды сақтап қалуға шақыратын көркем сөздер мәнерлеп оқылып, әннен шашу шашылды. Конференцияның соңында мектеп директорының міндетін атқарушы Алдиярова Алия Мұратқызы, қазақ тілі бірлестік жетекшісі Бабичева Меруерт Ізбасарқызы осы тұрғыда пікірлерімен бөлісіп, іс-шараға оң бағаларын берді. Ұстаздарымыз Байтұрсынұлының өмірі мен шығармашылығы туралы конференцияны қорытындылап, қатысушыларға алғысын айтты.
