СОЗАҚ: МЕКТЕПКЕ МАМАНДАР КЕРЕК

Созақ ауданының адами әлеуетті дамыту бөлімінің «Қарағұр» жалпы орта мектебі коммуналдық мемлекеттік мекемесі жоғары педагогикалық білім мамандықтары бойынша бос жұмыс орындарына КОНКУРС ЖАРИЯЛАЙДЫ

Конкурс — «Мемлекеттік орта, техникалық және кәсіптік, орта білімнен кейінгі білім беру ұйымдарының басшыларын конкурстық орналастыру және мектепке дейінгі, орта білімнің жалпы білім беретін оқу бағдарламаларын және қосымша білімнің білім беру бағдарламаларын іске асыратын мемлекеттік білім беру ұйымының басшысы лауазымына конкурстық тағайындау қағидаларын бекіту туралы» Қазақстан Республикасы Білім және ғылым министрінің 2012 жылғы 21 ақпандағы № 57 бұйрығына өзгерістер енгізу туралы Қазақстан Республикасы Білім және ғылым министрінің 2021 жылғы 19 қарашадағы №568 және Қазақстан Республикасының Еңбек және халықты әлеуметтік қорғау министрінің 2021 жылғы 22 қарашадағы №432 бірлескен бұйрығы) талаптарына сәйкес (бұдан әрі — Бұйрық) жүзеге асырылады. Ереженің толық мәтіні мына сілтеме арқылы көруге болады: (https://adilet.zan.kz/kaz/docs/V1200007495)

Конкурс – математика пәні бойынша — 16 сағат (уақытша), бос орынға жарияланады.

Конкурсқа қатысуға құжаттарды қабылдау конкурс өткізу туралы хабарландыру жарияланған соңғы күннен бастап жеті жұмыс күні ішінде жүргізіледі.

Конкурс өткізу мерзімі: «Қарағұр» жалпы орта мектебі коммуналдық мемлекеттік мекемесі осы хабарландыруды жарияланғаннан кейін математика пәні мұғалімі лауазымына 7 /жеті/ жұмыс күн өткен соң белгілейді.

Конкурс өткізілетін орын: «Қарағұр» жалпы орта мектебі коммуналдық мемлекеттік мекемесі – Созақ ауданы, Қарақұр ауылы, Үсенбай Датқа көшесі №27.

Мекеменің мекен-жайы: 161008 Қазақстан Республикасы, Түркістан облысы, Созақ ауданы, Қарақұр а.о., Қарақұр ауылы, Үсенбай Датқа көшесі №27

эл.почта: mr.karagur@mail.ru байланыс нөмері: 8/725-46/2-51-24, 8702-729-87-81

Лауазымдық жалақы мөлшері: Еңбек сіңірген жылдарына және біліктілік санаттары болған жағдайда математика пәні мұғалімі лауазымына шамамен 190464 теңгеден 326244 теңге мөлшері аралығында айлық жалақы төленеді.

Лауазымдық міндеттері: Оқытылатын пәннің ерекшелігін ескере отырып, Білім алушылардың мемлекеттік жалпыға білім беру міндетті стандарттарына сәйкес және «Құндылықтарға негізделген білім беру» тұжырымдамасының негізінде оқыту мен тәрбиелеуді жүзеге асырады, білім алушы мен тәрбиеленушінің тұлғасының жалпы мәдениетін қалыптастыруға және оның әлеуметтенуіне ықпал етеді,білім алушының жеке қабілеттерін анықтайды және ықпал етеді.

Оқытудың жаңа тәсілдерін тиімді түрлерін әдістері мен құралдарын қолданады.

Қысқа мерзімді жоспарларды, бөлімідер мен тоқсанның сумативті бағалауға арналған тапсырмаларды жасайды, электронды журналдарды толтырады.

Жалпыға білім беру стандарттарында көзделген оқушылар мен деңгейден төмен емес тәрбиеленушілердің пәндік нәтижелерін,отбасылық қызметтік тұлғалық жетістіктерін қамтамасыз етеді.

Оқу бағдарламаларын әзірлеуге және орындауға қатысады,оқу жоспары мен оқу процесінің кестесіне сәйкес олардың толық көлемде іске асырылуын қамтамасыз етеді.

Әдістемелік бірлестіктердің,әдістемелік кеңестердің, желілік қоғамдастықтардың отырысына қатысады.

Білім алушылардың, тәрбиеленушілердің жеке қабілеттерін, қызығушылықтары мен бейімділігін зерттейді.

Арнайы (түзету) білім беру мекемелерінде оқытылатын пәннің ерекшелігін ескере отырып, дамуында ауытқуларды барынша түзетуге бағытталған білім алушыларды, тәрбиеленушілерді оқыту және тәрбиелеу жөніндегі жұмысты жүзеге асырады.

Кәсіби құзіреттілікті оның ішінде ақпараттық коммуникациялық құзіреттілікті арттырады.

Еңбекті қорғау, қауіпсіздік техникасы және өртке қарсы қорғау ережелері мен нормаларын орындайды.

Білім беру процесі кезеңінде білім алушылардың өмірі мен денсаулығын сақтауды қамтамасыз етеді.

Ата аналармен немесе оларды алмастыратын тұлғалармен ынтымақтастықты жүзеге асырады.

Жабдықты пайдалану кезеңінде қауіпсіздік техникасы талаптарын орындайды.

Білім беру процесі кезінде балалардың өмірі мен денсаулығын сақтау үшін қажетті жағдайлар жасауды қамтамасыз етеді.

Тізбесін білім беру саласындағы уәкілетті орган бекіткен құжаттарды толтырады.

Білім беру ұйымдарында «Құндылықтарға негізделген білім беру» тұжырымдамасын білім беру процесінде барлық нысандар оның ішінде балалар отбасыларының қатысуымен енгізіледі.

Білім алушылар, тәрбиеленушілер,арасында академиялық адалдық қағидаларын, сыбайлас жемқорлыққа қарсы мәдениеттің алдын алады.

Білуге тиіс: Қазақстан Республикасының Конституциясын, Қазақстан Республикасының Еңбек кодексін, Қазақстан Республикасының «Білім туралы», «Педагог мәртебесі туралы», «Сыбайлас жемқорлыққа қарсы іс-қимыл туралы», «Қазақстан Республикасындағы тіл туралы» заңдарын, білім беруді дамытудың бағыттары мен перспективаларын айқындайтын мемлекеттік жалпыға міндетті білім беру стандарттарын және басқа нормативтік құқықтық актілерді

Педагогика мен психология,пәндік оқыту әдістемесін,тәрбие жұмысын,оқыту құралдарын және олардың дидактикалық мүмкіндіктерін,оқу кабинеттері мен қосалқы үй жайларды жабдықтауға қойылатын талаптарды, еңбек қорғау қауіпсіздік техникасы және өртке қары қорғау ережелері мен нормалары, санитарлық ережелер мен нормаларды.

Конкурсқа қатысушы үміткерлердің біліктілігіне қойылатын талаптар:

Тиісті бейін бойынша жоғары және (немесе) жоғары оқу орнынан кейінгі педагогикалық немесе өзге де кәсіптік білім немесе қайта даярлау курстарынан өткен құжат, жұмыс өтіліне талап қойылмайды;

Конкурсқа қатысуға ниет білдірген адам хабарландыруда көрсетілген құжаттарды қабылдау мерзімінде келесі құжаттарды электрондық немесе қағаз түрінде жолдайды.

Конкурсқа қатысу үшін төмендегі құжаттар тапсырылады:

1. Конкурсқа қатысу туралы өтініш, (осы Қағидаларға 10-қосымшаға сәйкес нысан бойынша қоса берілетін құжаттардың тізбесін көрсете отырып, конкурсқа қатысу туралы өтініш ) ;
2. Жеке басын куәландыратын құжат не цифрлық құжаттар сервисінен алынған электронды құжат;
3. Кадрларды есепке алу бойынша толтырылған жеке іс парағы (нақты тұрғылықты мекен жайы мен байланыс телефондары көрсетілген — бар болса);
4. Педагогтардың үлгілік біліктілік сипаттамаларымен бекітілген лауазымға қойылатын біліктілік талаптарына сәйкес білімі туралы құжаттардың көшірмелері;
5. Еңбек қызметін растайтын құжаттың көшірмесі (бар болса);
6. «Денсаулық сақтау саласындағы есепке алу құжаттамасының нысандарын бекіту туралы» ҚР Денсаулық сақтау министрінің міндетін атқарушының 2020 жылғы 30 қазандағы №ҚР ДСМ-175\2020 бұйрығымен бекітілген нысан бойынша денсаулық жағдайы туралы анықтама (Нормативтік құқықтық актілерді мемелекеттік тіркеу тізімінде №21579 болып тіркелген);
7. Психоневралогиялық ұйымнан анықтама;
8. Наркологиялық ұйымнан анықтама;
9. Ұлттық біліктілік тестілеу сертификаты немесе педагог-модератордың,педагог- сарапшының, педагог-зерттеушінің,педагог-шебердің біліктілік санатының болуы туралы куәлік (болған жағдайда);
10. Бұйрықтың 11-қосымшаға сәйкес нысан бойынша педагогтің бос немесе уақытша бос лауазымына кандидаттың толтырылған бағалау парағы.

Конкурсқа қатысушы бар болған жағдайда біліміне, жұмыс тәжірибесіне, кәсіби деңгейіне қатысты қосымша ақпаратты (біліктілігін арттыру, ғылыми/академиялық дәрежелер мен атақтар беру, ғылыми немесе әдістемелік жарияланымдар, біліктілік санаттар туралы құжаттардың көшірмелері, алдыңғы жұмыс орнының басшылығынан ұсынымдар) қарауына өзінің кәсіби жетістіктері, біліктілігін арттыру, ғылыми зеттеулер, өзінің педагогикалық тәжірибесін қорытындылау, наградалары туралы қандайда болмасын деректі расталған ақпаратты ұсынуға құқылы.

Аталған құжаттардың бірінің болмауы осы қағидалардың 107-тармағында көрсетілген құжаттардың біреуінің болмауы құжаттарды кандидатқа қайтару үшін негіз болып табылады.

Құжаттар мына мекен-жайға тапсырылуы тиіс: «Қарағұр» жалпы орта

мектебі коммуналдық мемлекеттік мекемесі – Созақ ауданы, Қарақұр ауылы, Үсенбай датқа көшесі №27.

Құжаттарды қабылдау хабарландыру «Созақ ауданы адами әлеуетті дамыту бөлімінің» мемлекеттік мекемесінің және «Қарағұр» жалпы орта мектебі коммуналдық мемлекеттік мекемесінің әлеуметтік желілерде Facebook парақшасында ресми жарияланған күннен бастап математика пәніне уақытша бос тұрған мектептің мұғалімдік лауазымына 7 /жеті/ жұмыс күні өткен соң тоқтатылады.

Ескерту: Тұрғын үй және жеңілдіктер берілмейді

Конкурстық комиссиясы