Бүгін Түлкбас ауданына қарасты барлық орта білім беру ошақтарында «Білім күні» мерекесі аталып өтті.
Мерекеге орай Түлкібас ауданының әкімі Нұрлан Байғұт пен аудандық адами әлеуетті дамыту бөлімінің басшысы Ержан Қадырбек Майтөбе елді мекеніндегі Ю.Гагарин атындағы мектепке барып, оқушылар мен ата-аналарды және ұстаздар қауымын атаулы мерекесімен құттықтады.
Аталған білім ошағында 962 оқушы білім алса, биылғы жылы 101 бүлдіршін мектеп табалдырығын алғаш рет аттап отыр.
Салтанатты шараның ашылуында сөз алған аудан әкімі мектеп есігін жаңадан ашқан бүлдіршіндерімізді алғашқы білім күнімен құттықтап, жас ұрпақты тәрбиелеу жолында қажырлы, жемісті еңбек етіп жүрген ұстаздар қауымына жаңа оқу жылында сәттілік, әр бір шығармашылық бастамаларына табыс тіледі.
Шара жалғасы ән-шашуға ұласып, мектеп оқушылары ұлы ағартушы Ыбырай Алтынсариннің өлең шумақтарын мәнерлеп айтып, көпшілік қошеметіне ие болды. Сонымен қатар, мектептің басқа да жас өнерпаздары өз өнерлерін көпшілікке паш етті.
Айта кетерлік, бүгінгі таңда аудан аумағындағы 60 жалпы орта білім беру мекемелерінде 23 мыңнан астам бала білім алуда. Үш ауысымдағы мектеп жоқ. Соның ішінде, биылғы жаңа оқу жылында 2379 бүлдіршін мектеп табалдырығын алғаш рет аттап отыр.
270089 20944Most beneficial gentleman speeches and toasts are created to enliven supply accolade up towards the wedding couple. Newbie audio system the attention of loud crowds should always consider typically the wonderful norm off presentation, which is their private. very best man speaches 563089
487930 692265I always was interested in this subject and still am, regards for posting . 595921