Бүгін Түркістанда “Жас тұлпарлар жырлайды” тақырыбында республикалық оқушылар айтысы өтті. Аламан айтысқа Алматы, Қызылорда, Тараз, Шымкент және Түркістан облысының жас айтыскер ақындары қатысты.
Түркістан облысы адами әлеуетті дамыту басқармасы мен «Оқушылар сарайы» және «Балалар мен жасөспірімдер орталығы» бірлесіп ұйымдастырған додада барлық айтыскер ақындарға арнайы алғыс хаттар мен бағалы сыйлықтар табысталды.
Сайыстың бас жүлдесін иеленген Шахмардан Бекарысұлы мен жүлделі І орын иегері Аллажар Бекмұратұлына қос тұлпар бұйырды. Ал, ІІ орынды алматылық Болат Тәңірберді мен шымкенттік Құлахмет Елсияр өзара бөлісті. ІІІ орынға Бәйдібек ауданының тумасы Төленбек Дінмұхамед, түркістандық Болат Мейіржан, шымкенттік Абдрайм Бағдат және Жамбыл облысынан аттерлетіп келген Жүнісбек Айсұлу мен Бектай Ұлықбек лайықты деп танылды.
