Түркістан облысы, Төлеби ауданындағы №4 Қ.Сәтбаев атындағы мектепте бастауыш сынып мұғалімдерінің облыстық семинары өтуде. Аудандық адами әлеуетті дамыту бөлімінің әдіскері Анар Бердібекқызының жетекшілік етуімен ұйымдастырылған «Бастауыш сынып оқушыларының оқу сауаттылығын арттыруда оларды өз бетімен жұмыс жасауға дағдыландыру» атты семинарға облыс аймақтарынан келген педагогтар мен әдіскерлер қатысып жатыр.
Семинар аясында педагог-сарапшы, педагог-зерттеуші санатты ұстаздар сабақ өтіп, өзара шеберліктерін ортаға салып, озық тәжірибелерімен бөлісуде.
Сонымен қатар, «Педагогикалық шеберхана», «Фасилитациялық алаң» атты қызықты іс-шаралар, ерекше кітап көрмесі ұйымдастырылған.
