Түркістан қаласында 250 орындық «Айтұлы Тілеу батыр» жекеменшік мектеп-балабақшасы пайдалануға берілді. Мұнда түркістандық Құрылтайшы — Сәуле Даулеталинаның айтуынша, мектеп-балабақшада 30 қызметкер жұмыспен қамтылған.
Заман талабына сай бой көтерген жаңа нысанның ашылу салтанатына Израилдің Қазақстандағы елшісі Ябо Глузман Эдвин Натан және Түркістан қаласы адами әлеуетті дамыту бөлімінің басшысы Оразкүл Қолдасова арнайы қатысты.
Айта кетейік, жалпы облыс орталығында 108 балабақша болса, оның 21-і мемлекеттік, 87-сі жекеменшік. Балабақша тәрбиеленушілерінің саны қазіргі таңда 14993 бүлдіршінді құрайды.
