Түрлі этностық топтардың жастарын ынталандыру, өскелең ұрпақты қолдау мақсатында Қазақстан халқы Ассамблеясының «Мың бала» республикалық мәдени — ағартушылық жобасының облыстық кезеңіне Мақтаарал ауданының адами әлеуетті дамыту бөліміне қарасты О.Бапышев атындағы №8 мектебінің 8 орыс сынып оқушысы Миркамалова Алина қатысып, жүлделі І орынды иеленіп, республикалық сайысқа жолдама алды.
Алина домбыра үйірмесіне бастауыш сыныптан қатысып, көркемдік жетекшісі Бақыт Момбековтың үйретуінің арқасында қазақтың киелі қара домбырасын талай сайыстарда күмбірлетіп келеді. Ол оқу озаты. Ауданда өткен түрлі сайыстардың жеңімпазы. Алинаның қазақ тіліне деген құрметін, оның өлең, көркемсөз оқуға деген құштарлығын шыңдап жүрген қазақ тілі мен әдебиеті пәнінің мұғалімі Нагима Озаеваға да айтар алғыс мол.
