Ұстаздар мерекесінің қарсаңында Түркістан облысы, Ордабасы аудандық адами әлеуетті дамыту бөлімінің орыс тілі және әдебиет, қазақ тілі және әдебиет, математика,физика пәндері бойынша «Ынтымақ» жалпы орта мектебінде «Ұстаз-ұлы есім» тақырыбында ұлағатты ардагер ұстаздар мен жас мамандарға арналған мерекелік іс-шара ұйымдастырылды. Шараға аудандық адами әлеуетті дамыту бөлімің зейнеткер ұстазы Естемесова Зухра, С.Ысмайылов атындағы жалпы орта мектебінің ардагер ұстаздары Байжанова Рабиға, Иманбек Күлсия, Жамбыл атындағы жалпы орта мектебінің ардагер ұстаздары Алым Сағындық,Әден Базарбай және Аманкелді атындағы жалпы орта мектебінің ардагер ұстазы Кенжебаева Мейіркүл сынды т.б білім саласына еңбегі сіңген ұлағатты ұстаздар қатысты.
Ардагер ұстаздар мен жас мамандар топтарға бөлініп, күнделікті іс тәжірибеде мұғалімнің кәсіптік білімін көтеруіне жағдай жасау ,білім беруде мамандығы бойынша өз пәнін жетік білу, оқушының шығармашылығы мен дарындылығына жағдай жасау, оқытудың жаңа технологияларын толық меңгеру, отандық, шетелдік тәжірибелерді шығармашылықпен қолдана білу туралы ойындар, тапсырмалар, сұрақтар беріліп, өз тәжірибелерімен бөлісті.
