Түркістан қаласының тұрғындары үшін қоғамдық көліктер мәселесі әрдайым жіті назарда.
Облыс орталығында сапасы сын көтермейтін автобустардың сапасын арттыру – бүгінде бір жүйеге тұрақтап келеді. Нақтырақ айтатын болсақ, халықты қоғамдық көліктермен қамтамасыз етіп отырған «Жолаушы» ЖШС-нің көлік саны артты.»Бекзат» тұрғын алабында қоғамдық көліктер жаңарды.
Бұл туралы Түркістан қаласы әкімінің баспасөз қызметі хабарлайды.
Қала әкімі Нұрбол Тұрашбековтың бастамасымен құрылған 6 секторда тұрғындар тарапынан келіп түскен ұсыныстар мен өтінімдер бойынша жұмыстар жүргізілуде. Атап айтқанда, «Бекзат» тұрғын алабындағы халықтан түскен өтініштер жан-жақты қаралып, сәйкесінше жүзеге асырылуда.
Тұрғындар тарапынан Атаулы әлеуметтік көмек, газға қосылу, тазалық, жарықшымдар мәселесі бойынша өтініштер жиі түскен. Соның ішінде қоғамдық көлік тасымалы бойынша үлкен, кең және таза автобустар қою ұсынысы «Жолаушы» ЖШС басшылығымен қаралып, үлкен автобустарға ауыстырылды. Уақыт аралығы 12 минутты құрайды.
Облыс орталығында өзге де мәселелер өз шешімін тауып келеді.
«ANYQ.KZ» — ақпарат
