Түркістан: Тұмаудың алдын алу шараларын біле жүр!

Түркістан облыстық клиникалық ауруханасы тұмаудың алдын алу шараларын ұсынады.

Тұмау – адамнан адамға ауа-тамшылы және қарым-қатынас жол арқылы тарайтын жұқпалы вирусты инфекция. Инкубациялық жасырын кезеңі бірнеше сағаттан 7 күнге дейін созылады. Аурудың басталуы жедел, интоксикация синдромымен сипатталады. Бірнеше сағат ішінде дене температурасы 39-40 С дейін көтеріліп, маңдай тұсының әсіресе қабақ үсті аймағының ауырсынуы, бас айналу, әлсіздік, буындар мен сүйек-бұлшық еттерінің ауырсынуы сиптомдары пайда болады.

Тұмау-бұл әсіресе қыста және күзде белсенді дамитын тұмау вирусынан туындаған тыныс алу жолдарының жедел жұқпалы ауруы. Тұмау вирусы адамнан адамға ауа тамшылары арқылы жұқтырған адам жөтелгенде немесе түшкіргенде бөлінетін өте ұсақ бөлшектер арқылы оңай таралады. Тұмаудың белгілері әдетте дене қызуының көтерілуі және қатты әлсіздіктен басталады, сонымен қатар науқас құрғақ жөтелге, бас ауруына алаңдайды, оған бұлшықеттер мен буындардағы шаншу қосылады.

Тұмаудың алдын алу келесі жеке қорғаныс шараларын қамтиды:

қолды сабынмен үнемі жуу;

мұрын мен ауызды бүрку;

жөтелгенде немесе түшкіргенде бір реттік сүлгі (салфетка) қолдану;

тұмау белгілері бар адамды уақтылы оқшаулау;

ауру адамдармен тығыз байланыста болудың алдын алу;

науқас адамдармен байланыста болған кезде маска кию;

жаппай жиналатын орындардан аулақ болу;

бөлмені мерзімді желдету;

салауатты өмір салты (салауатты ұйқы, таза ауа, белсенді демалыс, теңдестірілген тамақтану)

Бұл шаралардың барлығы инфекциялармен күресуде көмекші болады.

  1. Өзін-өзі емдеумен айналыспау. Егер Сіз ауырып қалсаңыз – дәрігерді үйге шақырту қажет;
    2. Қоғамдық жерлерде маска қолдану қажет;
    3. Таза ауада жиі серуендеу, саябақтарда жүру, тыныс – алуды реттеу, өкпенің вентиляциясын жоғарылатады, қан айналым жүйесін жақсартады;
    4. Жеке бас гигиенасын сақтау, жиі қолды сабынмен жуу және дезинфекциялық заттармен сүрту;
    5. Үйді және жұмыс орнын жиі желдетіп тұру;
    6. Тамақтану барысында «С» дәрумені бар өнімдерді қолдану (лимон, бал, таңқурай және т.б.).
    7. Дене шынықтыру жаттығуларын жүйелі түрде жасап тұру.Ақтөбе облысында тұмау профилактикасына қатысты қарқынды жұмыстар жүргізілуде.

Тілге тиек етейік, Дүниежүзілік денсаулық сақтау ұйымының болжамына сәйкес тұмау вирусының келесі штамдары айналымда болады деп күтілуде, олар: А (Н1N1) – «Guangdong-Maonan», А (H3N2) – «Hong Kong» және В – «Виктория желісіндегі Washington» түрлері.
2019 жылғы 1 қазанынан бастап бүгінгі күнге дейін тұмаумен — 221 адам науқастанған, оның ішінде 14 жасқа дейінгі балалар арасында — 103 жағдай. ЖРВИ-ның 7567 жағдайы тіркелді (АК – 891,8), оның ішінде 14 жасқа дейінгі балалар арасында — 3700 жағдай (АК – 1518,9).
Осы жылдың қыркүйек айына жергілікті бюджеттен бөлінген қаржыға 98436 доза Ресейде өндірліген «Гриппол+» вакцинасы сатып алынды. Биыл жоғарыда айтылған эпидемиологиялық жағдайға байланысты облысымызда тұмауға қарсы вакцинациялау науқаны әдеттегіден 1 ай бұрын 15 қыркүйектен басталуы жоспарланды.
Иммундау облыстың барлық қалалық, аудандық емханаларда жүргізіледі. Облыста 68 жылжымалы бригада жасақталған. Профилактикалық егулер жүргізу алдында егілетін адамға міндетті түрде термометрия жүргізіледі. Егілген адамдар вакцинациялаудан кейінгі реакциялар мен асқынулар пайда болған жағдайда шаралар қабылдау үшін профилактикалық егулер алған медициналық ұйымда 30 минут бойы бақылауда болады.

Профилактикалық егулерді жылжымалы егу бригадасы жүргізген жағдайда егілген адамдар егуді жүргізген медицина қызметкерінің бақылауында болатынын ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитетінің Ақтөбе облысының тауарлар мен көрсетілетін қызметтердің сапасы мен қауіпсіздігін бақылау департаменті мәлімдеді.

 

Ad Widget

Recommended For You

About the Author: admin

Добавить комментарий

Ваш адрес email не будет опубликован.