Түркістан облысындағы Кентау қаласының оқушысы Ұлттық бірыңғай тестілеуден жоғары 138 балды жинаған сәті, оны жақындарына сүйіншілеген эмоциясы әлеуметтік желіде кең тарады. Бұл көрсеткіш — әзірге еліміз бойынша ең жоғары нәтиже!
Айдос Хайруллаұлы Қожанов — 10 жыл бойы №16 Юрий Гагарин атындағы мектеп-лицейінде оқып, 11-сыныпта “Грант” жекеменшік мектебіне ауысқан. Айдос болашақта математика пәнінің мұғалім болғысы келеді.
Мектеп директоры Айдос туралы “Жыл бойы мектептің байқау сынақтарында І орынды бермей келген оқушымыз”, — деп үздік оқушысын мақтан етті.
Түркістан облысында 2023-2024 оқу жылында Ұлттық бірыңғай тестілеуге қатысуға жалпы 27 340 оқушы өтінім білдірген екен
Айта кетсек, Түркістан облысында 2023-2024 оқу жылында Ұлттық бірыңғай тестілеуге қатысуға 27 340 оқушы өтінім білдірген. Жалпы облыста 32 306 оқушы 11-сыныпты тәмамдаған. Оның 1 727-і — «Алтын белгі» белгіге, 2 466 оқушы — «Үздік аттестатқа» үміткер.
«ANYQ.KZ»-ақпарат.
