Түркістан облысы: Отырар ауданының Жер қатынастары бөлімі хабарландыру жасады

«Құрметті Отырар ауданының тұрғындары!

Халықтың құқықтық мәдениетінің және сауаттылығының деңгейін арттыру мақсатында аудандық мәслихаты мен аудан әкімдігінің қабылдаған нормативтік құқықтық актілерін жариялаймыз!» — деп басталған құжатта жер қатынастарына қатысты мынадай деректер келтіріледі.

Отырар ауданы елді мекендерінің шекараларын өзгерту және белгілеу туралы Түркістан облысы Отырар аудандық мәслихатының 2022 жылғы 28 қыркүйектегі № 19/109-VII бірлескен шешiмi және Түркістан облысы Отырар ауданы әкімдігінің 2022 жылғы 29 қыркүйектегі № 269 қаулысы. (Қазақстан Республикасының Әділет министрлігінде 2022 жылғы 5 қазанда № 30031 болып тiркелдi)

Қазақстан Республикасының Жер кодексінің 108-бабының 1, 5-тармақтарына, «Қазақстан Республикасының әкімшілік-аумақтық құрылысы туралы» Қазақстан Республикасы Заңының 12-бабының 3) тармақшасына сәйкес, Отырар ауданының әкімдігі ҚАУЛЫ ЕТЕДІ және Отырар аудандық мәслихаты ШЕШТІ:

1. Отырар ауданының келесі ауылдарының шекаралары өзгертілсін және белгіленсін:

1) Отырар ауданы Балтакөл ауылдық округінің Көлқұдық ауылының шекарасына Отырар ауданының ауыл шаруашылығы мақсатындағы 61,22 гектар жерді қосу арқылы, Отырар ауданы Балтакөл ауылдық округінің Көлқұдық ауылының шекарасы өзгертіліп, шекаралардың жалпы көлемі 1250,04 гектар болып белгіленсін;

2) Отырар ауданы Балтакөл ауылдық округінің Үштам ауылының шекарасына Отырар ауданының ауыл шаруашылығы мақсатындағы 24,64 гектар жерді қосу арқылы, Отырар ауданы Балатакөл ауылдық округінің Үштам ауылының шекарасы өзгертіліп, шекаралардың жалпы көлемі 814,39 гектар болып белгіленсін;

3) Отырар ауданы Көксарай ауылдық округінің Ызакөл ауылының шекарасына Отырар ауданының ауыл шаруашылығы мақсатындағы 54,4 гектар жерді қосу арқылы, Отырар ауданы Көксарай ауылдық округінің Ызакөл ауылының шекарасы өзгертіліп, шекаралардың жалпы көлемі 142,06 гектар болып белгіленсін;

4) Отырар ауданы Көксарай ауылдық округінің Жанкел ауылының шекарасына Отырар ауданының ауыл шаруашылығы мақсатындағы 28,85 гектар жерді қосу арқылы, Отырар ауданы Көксарай ауылдық округінің Жанкел ауылының шекарасы өзгертіліп, шекаралардың жалпы көлемі 386,93 гектар болып белгіленсін;

5) Отырар ауданы Қаракоңыр ауылдық округінің Шәмші Қалдаяқов ауылының шекарасына Отырар ауданының ауыл шаруашылығы мақсатындағы 24,64 гектар жерді қосу арқылы, Отырар ауданы Қаракоңыр ауылдық округінің Шәмші Қалдаяқов ауылының шекарасы өзгертіліп, шекаралардың жалпы көлемі 939,53 гектар болып белгіленсін;

6) Отырар ауданы Отырар ауылдық округінің Арыс ауылының шекарасына Отырар ауданының ауыл шаруашылығы мақсатындағы 11,90 гектар жерді қосу арқылы, Отырар ауданы Отырар ауылдық округінің Арыс ауылының шекарасы өзгертіліп, шекаралардың жалпы көлемі 539,07 гектар болып белгіленсін;

7) Отырар ауданы Талапты ауылдық округінің Ынталы ауылының шекарасына Отырар ауданының ауыл шаруашылығы мақсатындағы 17,67 гектар жерді қосу арқылы, Отырар ауданы Талапты ауылдық округінің Ынталы ауылының шекарасы өзгертіліп, шекаралардың жалпы көлемі 217,30 гектар болып белгіленсін;

8 ) Отырар ауданы Талапты ауылдық округінің Сарыкөл ауылының шекарасына Отырар ауданының ауыл шаруашылығы мақсатындағы 12,69 гектар жерді қосу арқылы, Отырар ауданы Талапты ауылдық округінің Сарыкөл ауылының шекарасы өзгертіліп, шекаралардың жалпы көлемі 35,58 гектар болып белгіленсін;

9) Отырар ауданы Маяқұм ауылдық округінің Қостерек ауылының шекарасына Отырар ауданының ауыл шаруашылығы мақсатындағы 41,45 гектар жерді қосу арқылы, Отырар ауданы Маяқұм ауылдық округінің Қостерек ауылының шекарасы өзгертіліп, шекаралардың жалпы көлемі 780,76 гектар болып белгіленсін;

10) Отырар ауданы Шәуілдір ауылдық округінің Шәуілдір ауылының шекарасына Отырар ауданының ауыл шаруашылығы мақсатындағы 55,43 гектар жерді қосу арқылы, Отырар ауданы Шәуілдір ауылдық округінің Шәуілдір ауылының шекарасы өзгертіліп, шекаралардың жалпы көлемі 1198,98 гектар болып белгіленсін;

11) Отырар ауданы Шілік ауылдық округінің Ескі Шілік ауылының шекарасына Отырар ауданының ауыл шаруашылығы мақсатындағы 59,80 гектар жерді қосу арқылы, Отырар ауданы Шілік ауылдық округінің Ескі Шілік ауылының шекарасы өзгертіліп, шекаралардың жалпы көлемі 446,12 гектар болып белгіленсін.

2. Осы бірлескен Отырар ауданы әкімдігінің қаулысының және Отырар аудандық мәслихаты шешімінің орындалуын бақылау аудан әкімінің жетекшілік ететін орынбасарына жүктелсін.
3. Осы бірлескен Отырар ауданы әкімдігінің қаулысы және Отырар аудандық мәслихатының шешімі оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Отырар ауданының әкімі С. Султанханов.

Отырар ауданының мәслихатының хатшысы М. Манапов.

Айта өтейік, Отырар ауданының барлық жер көлемі 1 675 743 гектарды құрайды. Барлық ауыл шаруашылығы алқаптарының жиынтығы — 640 260 гектар, оның ішінде егістік жерлер — 45 986 гектар, суармалы егістік — 45 986 гектар, көп жылдық өсімдіктер — 433 гектар, шабындық жерлер — 1296 гектар, жайылымдар — 592 544 гектар.

Жер санаттары бойынша:

ауыл шаруашылығы мақсаттары бойынша пайдаланатын жерлері — 640 260 гектар;

елді мекендердің жерлері — 28572 гектар;

өнеркәсіп, көлік байланыс, қорғаныс және ауыл шаруашылық емес басқа мақсаттарда пайдаланатын жерлер — 7450 гектар;

ерекше қорғаудағы табиғи аумақтардың жерлері — 34 149 гектар;

орман қорының жерлері — 827 473 гектар;

су қорының жерлері — 10013 гектар;

арнайы жер қоры — 124 537 гектар.

Әкімшілік-аумақтық бөлініс бойынша Отырар ауданда 13 ауылдық округ, 38 ауылдық елді мекен орналасқан.

Ауданның ауыл шаруашылығына жарамды жерінің аумағы — 640 260 гектар. Оның ішінде егістік жерлер — 45 986 гектар, оның ішінде суармалы егістік — 45 986 гектар, көп жылдық ағашты өсімдіктер — 433 гектар, шабындық жерлер — 1296 гектар, жайылымдық — 592 544 гектар.

Отырар ауданы бойынша ірі қара — 53 128, қой-ешкі — 356 715, жылқы — 17 597, түйе 7581 басқа жетті.

Жұртшылық шаруашылық малдарына қызмет көрсететін ветеринариялық-санитарлық объектілер: мал дәрігерлік пунктері — 11, мал тоғыту орындары — 26, жасанды қашырым пунктері — 23, биотермиялық шұңқырлар саны — 22.

Отырар ауданының Даму жоспарына сай 2025 жылға дейін егіс көлемін 40 000 гектарға ұлғайтып, жалпы аудандағы суармалы жердің 95,2 пайызын игеруді жоспарлауда. Негізінен қайта айналымға қосылатын жерлерге жүгері жоңышқа дақылдарымен қатар өңіріміздегі соңғы жылдардағы ағын су тапшылығын ескере отырып күздік бидай (2022 жылы егілгені 300 га болса, 2025 жылға 2600 гектарға жеткізу) егуге басымдық беріліп отыр. Сонымен қатар тамшылатып және жаңбырлатып суару тәсіліне көшуді қолға алып 2025 жылға 4100 гектарға жуық алқапқа осы техналогияларды пайдаланатын болады. Нәтижиесінде 2025 жылға жалпы ауыл шаруашылығы өнімінің көлемін 50,0 млрд теңгеге жеткізу жоспарлануда.

Жоғарыда аталған егіс көлемдерін игеру үшін ағын сумен қамтамасыз ету мақсатында бірқатар жұмыстар атқарылып, жоспарға енгізіліп отыр. Бүгінгі таңда Шәуілдір суармалы алқабындағы 13 мың гектар алқаптың ағын сумен қамтамасыз ету үшін қосымша 11 текше метр/секунд су жеткізетін «Сырдария-Арыс» каналының құрылысына және осы алқаптағы жер асты суы деңгейін түсіріп топырақ құнарлылығын арттыруға бағытталған 368 шақырымды құрайтын дрендер жүйесін қайта қалпына келтіру жұмыстары жоспарланып отыр. Аталған жұмыстар республикалық бюджеттен, Европалық қайта құру және даму банкі есебінен жүргізілетін болады.

Сонымен қатар бүгінгі таңда арнайы жұмыс тобы құрылып 11 ауылдық округтегі ағын су нысандарын аралап, зерделей отырып 2025 жылға дейін негізгі деп саналатын 8 каналға күрделі және 37 каналды механикалық тазалау жұмыстары жоспарға енгізілді (аудан бойынша 118 канал). Аталған барлық су нысандары республикалық «Қазсушар» мекемесіне тиесілі. 2025 жылға дейін жалпы болжамды қажетті қаржы көлемі 11,2 млрд. теңгені құрауда.

Мүйізді ірі қара 63 627 басты құрап 101,2 пайызға, уақ мал 440 338 басты құрап 103,8 пайызға, жылқы 20328 бас немесе 101,7 пайызға, түйе 9 887 бас немесе 100 пайызды құрады.

2025 жылға дейін жоспарға сай ірі қара басын 85859 басқа, уақ мал басын 617209 басқа, жылқыны 25267 басқа және түйе басын 13273 басқа жеткізу жоспары қойылып отыр. Аталған мал бастарын ұлғайтуға ауданда жайылымдық жермен жем-шөп қоры жеткілікті деңгейде.

Негізгі капиталға салынған жалпы инвестициялар көлемінің жылдық жоспары 22 млрд. 635 млн. 700 мың теңге, нақты көлем индексі 142 пайызға орындау жоспарланған.

Бекітілген үш жылдық бағдарламаға сай 2025 жылға дейін ауданға жалпы 72 млрд. 460 млн. теңге инвестиция тарту жоспарланып отыр.

Бүгінгі таңға негізінен үш жылға 68 млрд. 980 млн. теңгені құрайтын 29 инвестициялық жобалар іріктеліп, жоспарға енгізілген.

Оның ішінде ірі деп саналған 12 жоба бойынша тиісті жұмыстар жүргізілуде.

Атап айтқанда:

– күн электр энергиясын өндіру бойынша 2 жоба:

1. «Arm Wind» ЖШС-і құны 12 млрд. 500 млн. теңге;
2. «Cas Cade NRG» ЖШС, құны 650 млн. теңге.

-400 бастық сүт фермасы және құрама жем шығару кәсіпорыны «Ontustik Altair» ЖШС, құны 1 млрд. 100 млн. теңге;

– құрама жем шығару кешені. «Созақ балық өнімдері» СТК, құны 1 млрд. 200 млн. теңге;

– тауарлы балық шаруашылығын дамыту жобасы «Жұлдыз» ШҚ, құны 550 млн. теңге;

– экотуризм жобасын іске асыру «Жұлдыз» ШҚ, құны 600 млн. теңге;

– жүгеріден биоэтанол өнімін шығару жобасы «Отырар Био Тех» ЖШС, құны 50,0 млрд. теңге;

– мақта өңдеу жобасы «Green Farm» ЖШС, құны 310 млн. теңге;

– 1000 бастық мал бордақылау алаңын ашу «Амантұр» ӨК, құны 350 млн. теңге;

– ет және сүт өнімдерін өндіру «Есжанов Отырар» ЖК, құны 250 млн. теңге.

-шұжық цехтарын ашу бойынша 2 жоба:

1. «Пазылбеков» ЖК, құны 100 млн. теңге;
2. «Нұрсейіт» ЖК, құны 150 млн. теңге.

Одан бөлек, құны 1 млрд. 220 млн. теңгені құрайтын 18 шағын жоба (мал, құс шаруашылығы, сауда, қызмет көрсету және шағын өңдеу цехтары) іске асырылатын болады.

Ауданда шағын және орта бизнес саласында өндрісті дамыту бойынша біршама жұмыстар атқарылуда.

Жалпы өнеркәсіп өнім көлемін 2025 жылға дейін 17 млрд. 935 млн 900 мың теңгеге арттырып, 780 жаңа жұмыс орындарын құру жоспарлануда. Бұл көлемге жоғарыда аталған инвестициялық жобалардың өндірген өнімдері есебінен орындау жоспарланған.

Аудан көлемінде туристік бағытты тиімді пайдалану мақсатында екі жоба әзірленуде. Облыстық туризм басқармасының бастамасымен «Этно ауыл» туристік кешенін салу (жоба құны 20 млн. теңге) және қолөнершілер орталығын, сонымен қатар экотуризм жобасын ашу (жоба құны 600 млн теңге) арқылы 40 тұрақты жұмыс орнымен қамтамасыз етіледі деп жоспарланған. Бұл қаржылар өз қаражаты есебінен жүргізіледі деп күтілуде.

Сонымен қатар, «Арыстанбаб» кесенесі мен «Отырар төбе» қалашығы арасындағы ұзындығы 1,7 шақырым аумақты абаттандыру және көгалдандыру жұмыстары жүргізіледі, жоба құны 615 млн. теңгені құрайды.

Нәтижесінде, 2025 жылғы дейін ауданның туристік тартымдылығын арттырып келуші туристер санын 500 мың адамға жеткізу көзделуде.

Аудандағы ауыл шаруашылығы мақсатындағы жер көлемі 640 667 га. Оның шінде: суармалы жерлер 42 250 га, жайылымдық жерлер 596 690 га, шабындық жерлер 1294  га, көп жылдық екпелер 433 га құрайды.

Ауданда пайдаланылмай жатқан ауылшаруашылығы жерлерін қайтару бойынша жұмыстар атқарылуда. Бүгінгі таңда 57 949,78  га (оның ішінде: 2743,9 га суармалы, 55205,84 га жайылы) жерлердің қаулылары жойылып, ауданның арнайы жер қорына қайтарылды (2022 жылға жоспар 67,5 мың га).

Сондай-ақ, агроқұрылымдардың мақсатына сай игермеген 162 703,81 га (оның ішінде: суармалы 8191,7 га, жайылым 154 512,11 га) жерлері анықталып, тізімі сәуір айында Түркістан облысының жер ресурстарын басқару департаментіне шара көру үшін жолданды.

Биыл ірі агроқұрылымдармен екі жақты меморандум жасау арқылы елді мекенге жақын орналасқан 47 745 га жайылымдық жерлер ортақ жайылымға пайдалану үшін келісім жасалды (2022 жылға жоспар 90,7 мың га).

Қазіргі уақытта ауыл округтері бойынша 50,6 мың га ортақ мал жайылым жерлер бар. Аудан көлемінде жалпы қолда ұсталатын мал 81 284 (МІҚ 40196, Уақ мал 40568, Түйе 520) басты құрайтындықтан, қазіргі таңда ауыл округтеріне 317 189 га ортақ мал жайылым жерлерге қажеттілік туындауда.

Ағымдағы жылы мақсатына сай пайдаланбай жатқан жерлерге түгендеу жұмыстары жүргізіліп, қажетті жайылым жерлерді пайдаланбай жатқан жерлердің есебінен қамтамасыз ету үшін 2023 жылы 140,0 мың га, 2024 жылы 89,1 мың га, 2025 жылы 90,2 мың га жерлерді елді мекеннің ортақ мал жайылым жеріне беру жоспарлануда.

«ANYQ.KZ»-ақпарат.