Бүгін Сайрам ауданы әкімінің міндетін уақытша атқарушы Бақытбек Хасанов ауыл тұрғындарын жеке мәселелері бойынша кезекті қабылдауын өткізді.
Қабылдау барысында азаматтар Низамабад аумағына қоныстанған тұрғын үйлерге ағымдағы жылы ауыз су мәселесін реттеп беруді сұранды.
Ал қарамұрттық С.Мейірбекова инфрақұрылым жүйелері толық қамтылмаған бөлігі тек электр жарығымен қамтамасыз етілгеніне алғысын айтты.
Мұнан кейін қарасулық Т.Исаев ескірген электр бағанасын ауыстыру және жолға тас төсеудің қажеттіліктерін жеткізді.
Келесі кезекте аудандық мәслихаттың депутаты Д.Анартаев Қарабұлақ ауылына қарасты Шымкент қақпа көшесінің жолын күрделі жөндеуден өткізу арқылы орталық көшедегі жиі орын алатын көлік кептелісін жоюға болатындығын назарға салып өтті.
Бахытбек Сембекұлы қабылдауына келген тұрғындардың өтініштеріне заң аясында түсініктеме беріп, тиісті бөлім мен ауылдық округтерінің әкімдеріне нақты жұмыс атқаруды тапсырды.
«ANYQ.KZ»-ақпарат.