Ұзын-ата ауылдық округі шаруалары шығыны аз, ағын суды көп қажет етпейтін дақыл – бидай мен жаздық арпа егуді қолға алған болатын. Аудан әкімі Қайрат Жолдыбайдың ұсынысымен һәм жергілікті шаруалардың қолдауымен басталған жұмыстар өз нәтижесін беріп, бүгінгі таңда астық жинау науқаны аяқталуға жақын.
Шаруалар өнім көлемі мен сапасын арттыру бағытында тәжірибе жинап, мол өнім алуда. Шаруалар осы дақыл түріне қызығушылығы артып, бидай мен арпа егуге ниетті азаматтардың қатары көбейіп келеді. Осы орайда, бізге өнім көлемі мен сапасын арттыру мақсатында тиімді шараларды, сонымен қатар элиталы ұрық және минералды тыңайтқыштар қолдану басты назарда. Айта кету керек, бүгінде ауылдық округ көлемінде 300 гектар аумаққа күздік бидай, 280 гектар жаздық арпа дақылы егілген. Шаруалар орта есеппен бидайдан 31 центнер болса, арпа 28 центнер өнім алуда. Алдағы уақытта шығыны аз, ағын суды көп қажет етпейтін, шаруаларға қолайлы бидай мен жаздық арпа алқабын одан әрі дамыту жоспарланып отыр.
«ANYQ.KZ»-ақпарат.
