Бұл туралы «Жол актвтері ұлттық сапа орталығы» РМК Шымкент қалалық филиалының директоры Мұхтар Дүйсембеков мәлімдеді. Осыдан 4 жыл бұрын Шымкент қаласында жылына мыңнан астам ақау анықталса, соңғы 2 жылда бұл көрсеткіш 4 есеге кеміген.
– 2019 жылы тексерілген жолдардан — 750, 2020 жылы — 1186 ақау тіркелген. Ал 2021 жылы — 374, былтыр — 277 ақау шықты. Жол сапасына кәсіби диагностика жасайтын мекеменің арқасында Шымкент қаласында соңғы 4 жылда 355,5 млн теңгенің жұмысы қайта істеліп, 19 техникалық қадағалаушы жауапқа тартылған. Жол салушы мердігерлердің жауапкершігі күшейгенін осыдан байқауға болады, — дейді Мұхтар Дүйсембеков.
Соңғы 4 жылда ұлттық сапа орталығы мамандары 1159 рет тексеріске шыққан. Жаңадан салынған немесе күрделі және орта жөндеуден өткен 714 нысан құрылысы қадағаланған, 4480 сынама алынған. Нәтижесінде 2587 ақау мен кемшіліктер анықтады. «Жол активтері ұлттық сапа ортылығы» халықпен әрдайым байланыста. Бұл бойынша 8 7172 736-736 телефонына еліміздің кез келген аумағынан тәулік бойы қоңырау шалып, өз арыз-шағымдарыңызды қалдыра аласыздар!
Айта кетейік, Шымкент қаласының аумағына кіретін жолдардың жалпы ұзындығы 3247,6 шақырымды құрайды. Оның ішінде, қаланың магистралды және ішкі орам көшелерінің 2066,1 шақырымы асфальт жол. Бұл жолдардың асфальт үлесімен 63,6% пайызды құрайды. Ал қала меншігіндегі 1024 шақырым жол, яғни 31,5% пайызы шағал тас төселген көшелер. 2022 жылдың қорытындысымен қала аумағындағы жолдар мен елді мекендердің көшелеріне жол құрылыс жұмыстар 287,8 шақырымға жүргізілді. Ал, 2023 жылы 256,8 шақырым жолға құрылыс жұмыстарын жүргізу жоспарланған. Ал, жолдардың жақсы және қанағаттанарлық жағдайы 2022 жылы 67,4% пайызды құрады. Бұл көрсеткішті 2023 жылы 71,2% пайызға жеткізу жоспарланып отыр. Қаланың магистралды көшелері мен ішкі орам көшелеріне орташа жөндеу жұмыстары 256,3 шақырымды құрайтын 152 нысанда немесе 294 көшеге жүргізіліп, пайдалануға берілді. Ал, 2023 жылы орташа жөндеу жұмыстарын 201,7 шақырымды құрайтын 253 көшеге жүргізу жоспарлануда.
