Шардара: Мектепке дейінгі тәрбие мен білімнің сапасын көтеруге күш салу қажет!

admin — 31.10.2022 4 286 комментариев

Шардара аудандының адами әлеуетті дамыту бөліміне қарасты білім беретін мектептер саны — 30, қосымша білім беру мекемесі – 2. Оның ішінде: 23-і жалпы білім беретін: 1 мектеп-гимназиясы (Т.Айбергенов атындағы мектеп-гимназиясы), 2 мектеп-лицейі («Шардара», «Жаушықұм» мектеп лицейі)), 20 -жалпы орта мектеп, 1 негізгі орта мектеп, 1 бастауыш мектеп, 5 шағын жинақты бастауыш мектеп. Жалпы аудан бойынша 1-11 сынып аралығында 19 мыңнан аса оқушы бар. Олардың 1875-і 1 сыныпта оқиды. Шардара ауданының адами әлеуетті дамыту бөлімінің берген мәліметі осындай. Бөлім басшысының міндетін атқарушы Жантөреева Ақжібектің сөзінше, ауданда мектепке дейінгі тәрбиеге көп көңіл бөлінуде. Бөлім алдында балабақшадағы білім сапасын көтеру міндеті тұр.

«Ауданда 40 мектепке дейінгі ұйымдар қызмет етуде. Оның 17-мемлекеттік, 23-жекеменшік, 1-мектеп жанындағы шағын орталық. «Білімді ұлт» сапалы білім беру» ұлттық жобасында 3-6 жастағы балаларды мектепке дейінгі оқыту мен тәрбиемен қамтуды 100 % -ға жеткізу межеленген. Осыған орай, алдағы уақытта бірінші кезекте 3-6 жастағы балаларды 100 пайыз қамту шаралары қабылдануда»,-дейді Ақжібек Жантөреева .

3-6 жастағы балаларды (5138) қамту – 98,2%;

2-6 жастағы балаларды (4457) қамту -97,6% ды құрады.

Биыл мектепке дейінгі тәрбие мен оқытудың жан басына шаққандағы нормативтік қаржыландыру әдістемесіне сәйкестендіру бойынша қарқынды жұмыстар жүргізілуде. Бұған дейін жекеменшік балалабақшаларға бір балаға 30797 теңге берілген болса, мемлекеттік балабақшаларға 38967 теңге беріліпті.

«Мектепке дейінгі білім беру ұйымдарын лицензиялау ондағы тәрбие мен оқытудың сапасын арттыруға үлкен көмек болмақ. Яғни, басты құндылық балалардың қауіпсіз ортада тәрбиеленуі, педагогтерге қойылатын біліктілік талаптардың сақталуы және тәрбие мен білімнің сапасы артады. Барлық балабақшаларға кезекке қою, жолдама беру, қабылдау «Balabagsha.snation» жүйесімен толық автоматтандырылған (2019 ж. бастап). Ендігі кезекте балалардың балабақшаға келуін есепке алуды автоматтандыру жұмыстары жүргізілетін болады. Яғни, бұл дегеніміз нақты бала санын келіп-кетуінің ашық жүйесі орнатылады деген сөз»,-дейді Жантөреева Ақжібек.

Ауданның бас ұстазы балабақша педагогтеріне арналған оқу-әдістемелік кешенімен, көмекші материалдардан тұратын BilimKids.kz онлайн білім беру платформасын енгізілу жұмыстары басталғанын тілге тиек етті.

«Біз, бизнестің әлеуметтік жауапкершілігін арттыра отырып мектепке дейінгі білім беру ұйымдарының желісін арттырдық. Ендігі кезде мектепке дейінгі тәрбие мен білімнің сапасын көтеруге күш салуымыз қажет»,-дейді Жантөреева Ақжібек.

Ағымдағы жылы оқу процесіне қажетті барлық функциялардың жиынтығы қамтылған білім саласындағы ақпараттық жүйелермен интеграцияланған «Bilim Land» платформасымен «Әлеуетті мемлекеттік жекешелік әріптестікті іске асыру мәселелері бойынша ынтымақтастық туралы меморандум» түзіліпті. Аталған платформаның білім мазмұнына қатысты жүйесіне аудан мекептері 100% тегін қосылған.

Сонымен қатар, педагогтарды аттестаттау процесін автоматтандыру бойынша «Е-Портфолио», білім саласының аналитикалық есебін қалыптастыратын «Basqarma.Smartnation.kz» білім беру ресурстары енгізілуде. Сондай-ақ, мектеп кітапханаларын цифрландыру үшін «Е-Кітапхана» платформасы іске қосылуда.

Ауданның бас ұстазы «Күнделік» – 30 мектеп қосылған, яғни 100 пайыз дерлік қамтылғанын (2970-мұғалім, 18707-оқушы, 15283-ата-ана) айтады.

«Мемлекеттік бағдарламаға сәйкес жыл сайын мектеп оқушылары тегін оқулықтармен және оқу-әдістемелік кешендермен 100 пайыз қамтамасыз етіліп келеді. 2022-2023 оқу жылына білім беру ұйымдарының оқушыларын оқулықтар және оқу әдістемелік кешендермен (оқулықтар саны 51000) қамтамасыз етілді. Жалпы 1-11 сыныптарға тиісті оқулықтар қамтамасыз етілді»,-дейді Жантөреева Ақжібек.

Маман ауданда «Оқуға құштар мектеп» жобасының іске асыру барысында тілге тиек етті.

«Мемлекет басшысы Қ.К. Тоқаевтың Ұлттық қоғамдық сенім кеңесінің төртінші отырысында берген тапсырмасын орындау мақсатында «Оқуға құштар мектеп» жобасын іске асыру барысында іс-шаралар жоспары бекітілді.

«Оқуға құштар мектеп» жобасы аясында мектеп кітапханаларының кітап қорын жаңалап, толықтыру мақсатында «Кітапханаға кітап сыйла!» атты акциясы жарияланған. Акция аясында 1513 көркем әдебиет жиналды. Акция жыл бойы жалғасын табады. «Оқуға құштар мектеп» жобасы аясында «KitapХАН@» облыстық онлайн кітап оқу жарысын ұйымдастырылып, аудан мектептерінің 50 педагогтары мен оқушылары жүледер атанды». Жантөрееваның сөзінше, өткен оқу жылында 11-сыныпты бітірген 1168 түлектің 65-і «Алтын белгі» иегері атанса, 68 оқушы «Үздік» аттестатпен бітіріпті.

Ендігі жылдан бастап мектептердің білім сапасы ЖОО-на грант негізінде түскен түлектерінің үлесімен бағаланады. Осы тұста маман педагогикалық кадрлар туралы да айтты.

«Мұғалім мектептің жүрегі» мұғалімнің кәсіби дамуы біздің басты назарымызда. Бүгінгі күні ауданда 2778 педагог бар.

«Назарбаев Зияткерлік мектептері» дербес білім беру ұйымының басшысы Күләш Ноғатайқызының басшылығымен ауданда тірек мектептер жасақталатын болады. Жоба аясында НИШ мектептерінің әлеуетін тірек мектебіне енгізіп, оқу-әдістемелік сүйемелдеу жүргізіледі. Осы жоба аясында педагогтердің сапалық құрамы мен мектептердің материалдық мүмкіндігі жақсарады деп күтілуде. Жауапкершілігі жоғары қызметтің жетілдіру керек тұстары да бар. Бұл бойынша жұмыстарды бастап кеттік. Қамқоршылар кеңесі қайта құрылып, аттестациядан өткізу жұмыстары қолға алынып, білім беру ұйымдарының басшыларына жетістігін бағалайтын KPI қойылады.

Сондай-ақ пән мұғалімдерінің ассоциациялары ресми құрылып жұмыс жасайтын болады. Аталған ассоциацияларымен жылына екі-үш рет кездесіп, оқу бағдарламаларына қатысты күрделі мәселелерді қарап, ұсыныс пікірлерімен жұмыс жүргізетін боламыз.

Айтуға тиіс жақсы жаңалық, Республикадан арнайы құжаттамалар жасалып, мектеп басшыларының жалақы қоры ұлғаятын болады»,-деді ауданның бас ұстазы.

Сапалы оқыту және өздігінен оқып, білім алуға баулу негізінде ғана оқушылардан парасатты азамат тәрбиелеп шығаруға болады. Білімнің сапалы болуы тікелей мұғалімге, оның білім дәрежесі мен іздену шеберлігіне байланысты. Сапаны көтерудің ең өзекті мәселелердің бірі – мұғалімдерді даярлау және кәсіби шыңдау болып тұр.

Мұғалімдер 2022 жылы оқушылардың ғылыми-жаратылыстану және оқу сауаттылығын, сындарлы ойлауын дамыту, жаратылыстану-ғылыми және оқу сауаттылығын, креативті ойлауын дамыту бойынша (биология, география, математика, физика PISA), пән мұғалімдерінің кәсіби құзыреттіліктерін дамыту мақсатында:

«Өрлеу» біліктілікті арттыру ұлттық орталығында» – 480 мұғалім;
«Назарбаев Зияткерлік мектептер» Педагогикалық шеберлік орталығының базасында – 268 мұғалім өз білімдерін жетілдірген. Айтпақшы, ауданда «Балалар жылын өткізуге» арналған кешенді жоспар бекітілген. Соған сәйкес 50-ге жуық іс-шара өткізілді.

Кәмелетке толмаған балалар арасындағы қылмыс пен жасөспірімдерге қатысты зорлық-зомбылықтың алдын алу және балалардың өзіне-өзі қол жұмсауының алдын алу бағытында кешенді жұмыстар жүргізілуде.

Ауданда «Бес терек» жобасы іске асырылуда, «Әкелер мектебі», «Аналар кеңесі», «Ардагерлер кеңесі» қоғамдық ұйымдары мен «Ата-аналар қауымдастығы» үкіметтік емес ұйымы жұмыс жасауда.

Оқушылардың бос уақытын тиімді пайдалануға мүмкіндік беретін 2 қосымша білім беру мекемесі жұмыс жасауда, онда 2705 оқушы, ал, мектептегі үйірмелерде 10225 оқушы қамтылып отыр. Бұл аудан оқушыларының 67% (12930) құрайды.

«Оқушылардың демалысын тиімді пайдалануына қажетті жағдайларды жасау, салауатты өмір салтын қалыптастыру, оқушылардың денсаулықтарын нығайтуына, өздерінің жеке-басы қабілеттерін іске асыруы үшін қажетті жағдайларды қамтамасыз ету, бос уақытын қызықты, әсерлі өткізу үшін биылғы жаз мезгілінде қала сыртындағы сауықтыру лагерлері Төлеби ауданындағы «Балдәрен» лагеріне қамтылған оқушылар саны- 500, Қазығұрт ауданында орналасқан «Қазығұрт турбаза» сауықтыру лагерінде — 1200, мектеп жанындағы сауықтыру лагеріне – 3655. Облыстық адами әлеуетті дамыту басқармасының арнайы кестесі бойынша Көкшетау «Балдәурен» лагеріне- 15, Қапшағай қаласындағы «Балдәурен» лагеріне- 10 оқушыға тегін жолдама беріліп аудан оқушылары демалып қайтты».

Ауданның бас ұстазы ауыз толтырып айтар жетістіктердің де жоқ емес екенін айтты. Мәселен, 2021-2022 оқу жылында 2-11 сынып оқушыларының арасында 30 жуық олимпиада мен ғылыми жобалар, байқаулар өткізіліп 3500 (20%) оқушы қатысқанын айтты.

Республикалық кезеңге жолдама алып, 83 оқушы жүлдегер атанған.

Облыстық кезеңде 134 оқушы жүлдегер атанды.

Аудандық кезеңде 600 оқушы жүлдегер атанды.

«2021-2022 оқу жылында оқушыларымыз халықаралық, республикалық, облыстық білім сайыстарынан жеңіспен оралуда. Атап айтар болсам, Түркия республикасы, Алания қаласында 9 мемлекет арасында өткен Халықаралық Дарынды балаларға арналған менталды арифметика турнирінде «Ақалтын» жалпы орта мектебінің оқушысы Абубила Нұрай Берікқызы жүлделі І-орын алған. Республикалық «Елбасы медалі» — ұлттық жобасына 7 бағыты (спорт, дарын мен дағды, кітап оқу, ұлттық мұра, волонтерлік, экспедициялар мен жорықтар, еңбек практикасы) бойынша қатысып Т.Айбергенов атындағы мектеп-гимназиясының оқушылары Жанибек Сания, Намазбай «Қола» медалімен және төс белігімен марапатталды Республикалық «Ел Үміті» бастамасын жүзеге асыру мақсатында Республикалық «Мың бала» Ұлттық олимпиадасында ауданымыздың 5-6- сыныптардан 4 оқушысы жүлдегер атанды.Республикалық Менің кіші Отаным интеллектуалды конкурсында М.Горький атындағы жалпы орта мектебінің 10 сынып оқушысы Демесбек Ақерке жүлделі ІІІ-орынды иеленді. Республикалық 5-6 сынып оқушылары арасында өткен пән олимпиадасында М.Горький атындағы жалпы орта мектебінің 5 сынып оқушысы Ким Эвелина жүлделі ІІ-орынды иеленді. Республикалық IQanat білім беру қоры» ұйымдастырған IT лагері жоб*асында Т.Айбергенов атындағы мектеп-гимназиясының 9 сыныптан 2 оқушы «Қолаға» қол жеткізді. Республикалық «М.Мақатаев оқулары» конкурсында С.Каттебеков атындағы жалпы орта мектбінің 11 сынып оқушысы Демесбек Сайыпназар «Алғыс хатпен» марапатталды. Республикалық 5-9- сынып оқушылары арасында “Тарих ата” олимпиадасынан 36 оқушы, жүлделі І орын – 13, ІІ орын – 13, ІІІ орын-10 оқушы иеленді. Облыстық «Зерде» балалар шығармашылық жобалары мен зерттеу жұмыстары бойынша Қ.Аманжолов атындағы ЖОМ 4 сынып оқушысы Нұрмұхаммед Кәусар жүлделі ІІ орын, А.Иманов атындағы ЖОМ 7 сынып оқушысы Қуаныш Индира жүлделі ІІІ орын иеленді. Облыстық республикалық ғылыми жобалар конкурстары бойынша «Жаушықұм» мектеп-лицейінің 9 сынып оқушысы Ибрагим Нұрсұлтан жүлделі ІІІ орын, «Қоссейіт» ЖОМ 11 сынып оқушысы Ермекбаева Мадина Мақтау қағазын алды. Облыстық жалпы білім беретін пәндерден 9-10-11 сынып оқушылары арасында республикалық пән олимпиадасының облыстық кезеңінде І орын – 1, ІІ орын – 3, ІІІ орын -7, «Алғыс хат» — 4 оқушы иеленді. Облыстық Лингвистикадан республикалық олимпиададан «Ұзын ата» жалпы орта мектебінің 11 сынып оқушысы Бектөре Жансая жүлделі ІІ орын иеленді»,-дейді Ақжібек Сапарбекқызы.

Маман баланы заман талабына қарай көрегендікпен икемдеп, өз заманының озық өнегесін санасына сіңіре білу, оларды шығармашылық бағытта жан-жақты дамыту – бүгінгі күннің басты талабы екенін жақсы біледі.