Шымкентте жалпықалалық сенбілік өтеді. Бұл туралы Шымкент қаласы әкімдігінің баспасөз қызметі хабарлайды.
Туған өлкенің тазалығын сақтап, көркеюіне атсалысу – әрбіріміздің перзенттік парызымыз. Бұл істе бір кісідей жұмылғанда ғана нәтижеге қол жеткізе аламыз.
5 маусым — Бүкіләлемдік қоршаған ортаны қорғау күніне орай жыл сайынғы «Бірге таза Қазақстан!» экологиялық акциясы аясында Шымкентте сенбі күні жалпықалалық сенбілік өтеді.
Іс-шара қоршаған ортаның ластану проблемасына, өлкеміздің табиғатын сақтаудың және экологиялық мәдениетті қалыптастырудың маңыздылығына жұртшылықтың назарын аударуға мүмкіндік береді.
Дүниежүзілік қоршаған ортаны қорғау күнін мерекелеудің мақсаты- айналаны қоқыстан тазартудан басталатын дәстүрді қалыптастыру болып табылады.
Осыған орай баршаңызды қала тазалығы үшін сенбілікке белсене атсалысуға шақырамыз.
Жалпыхалықтық сенбіліктер қала көшелерін таза ұстауға және экологиялық мәдениетті қалыптастыруға негіз қалайтыны анық. Көшелерді және аулаларды көріктендіру мен абаттандыруға мәдени астананың әр тұрғыны қатыса алады.
2200 жылдық тарихымен танылған мәдени астана — тазалығымен де танылғаны абзал.
«ANYQ.KZ» — ақпарат
