![](https://anyq.kz/wp-content/uploads/2024/07/cvv.jpg)
Шымкент қаласы денсаулық сақтау басқармасына қарасты Жастар денсаулық орталықтарына жыл басынан бері 11163 жас көмекке жүгінген. Оның басым бөлігі 10-14 жас аралығындағы жасөспірімдер. Бұл туралы Өңірлік коммуникациялар қызметінің алаңында «Халықтың репродуктивті денсаулығын қорғау апталығының басталуы туралы» тақырыбында өткен баспасөз конференциясында айтылды.
Айта кетейік, Жастар денсаулық орталықтарында 10-29 жас аралығында жастарға көмек көрсетіледі.
Орталыққа келушілердің жас ерекшеліктерін ескере отырып, оларға кешенді медициналық, психологиялық, әлеуметтік жағынан көмек көрсетіледі. Оның ішінде, отбасын жоспарлау, маскүнемдік пен нашақорлықтың, адамның иммун тапшылығы инфекциясының, эмоционалдық көңіл-күйлерінің, күйзелісті және құлазу жағдайларының, қатыгездік пен зорлық-зомбылықтың алдын алу жұмыстары жүргізіледі және құқықтық кеңестер беріледі. Және бастапқы медициналық-санитарлық көмек, диагностикалық-кеңес медициналық көмегі де көрсетіледі.
Жастар денсаулық орталықтарының тиімділігі 10-29 жас аралығындағы тұрғындардың психикалық-әлеуметтік және медициналық проблеммаларын анонимді және уақытылы алдын алу болып табылады.
Тілге тиек етейік, 2024 жылғы 24 маусымнан 28 маусымға дейін Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен Репродуктивті денсаулық апталығы өтеді.
Репродуктивті денсаулық — бұл репродуктивті жүйенің денсаулығы мен оның функциялары мен процестеріне қатысты барлық мәселелерде аурулар мен аурулардың болмауы ғана емес, толық физикалық, психикалық және әлеуметтік әл-ауқат жағдайы.
Репродуктивті денсаулыққа әсер ететін факторлар:
— өмір салты (созылмалы стресс, физикалық белсенділіктің төмендігі,
бей-берекет жыныстық қатынас);
— Жаман әдеттер (алкогольге тәуелділік), сусындар, темекі шегу,
— Семей қаласының экологиялық ортасы және т. б. (полигондардың салдары, табиғи ортаның ластануы)
— Әлеуметтік орта (төмен күнкөріс деңгейі, жұмыссыздық.)
— Қазіргі жағдайда репродуктивті денсаулық мәселелері жыныстық өмірдің ерте басталуына, отбасындағы жыныстық тәрбиенің жеткіліксіздігіне, білім беру бағдарламаларының болмауына байланысты жасөспірімдер үшін ең өткір болып табылады, бұл қауіпті жыныстық мінез – құлыққа, жыныстық жолмен берілетін инфекцияларды жұқтыру қаупінің жоғарылауына, қалаусыз жүктілікке, мектепке нашар қатысуға және үлгермеуге әкелуі мүмкін.