![](https://anyq.kz/wp-content/uploads/2021/04/1551770621_2019030511412738257_92944_b0.jpg)
Ұлыстың ұлы күні — Наурыз мерекесіне орай Шымкент тұрғындары үшін қаланың Орталық саябағында арнайы «QYZYQTY PARK» атты мәдени пикник ұйымдастырылуда.
20-23 наурыз аралығында өтетін іс-шара бағдарламасына сәйкес, ойын-сауық, зияткерлік спорт аймақтары және отбасы мүшелері үшін түрлі ойын түрлері қамтылған.
Ал, балалар үшін саздан мүсін жасау, сурет салу, қыштан қолөнер бұйымдарын жасау бағытында түрлі шеберлік сыныптары өткізілмек. Сондай-ақ, пикник қонақтары күні бойы ауқымды музыкалық бағдарламаны тыңдап, рухани демалуына мүмкіндік бар.
Саябақ аумағында көптеген интерактивті өнер қондырғылары мен жайлы демалыс орындары қамтамасыз етіледі. Пикник таңертеңгі сағат 10:00-ден 19:00-ге дейін жалғасады.
Ескерте кетейік,аталған шарада тұрғындар әлеуметтік қашықтықты сақтай отырып, санитарлық қауіпсіздіктің барлық талаптарын қатаң ұстануы тиіс.
Айта кетейік, қалада 14 наурыздан бастап «Наурыз Шымкентте басталады» атты іс-шаралар онкүндігін өткізу жоспарланған, яғни наурызды атап өту мақсатында әр күннің іс-шаралары белгіленген.
«ANYQ.KZ»-ақпарат