Келес ауданында Төтенше жағдайлардың алдын алу және зардаптарын жою комиссиясының кезектен тыс отырысы өтті.
Келес ауданының төтенше жағдайлардың алдын-алу және зардаптарын жою комиссия төрағасы А.Жаңбырбаевтың төрағалығымен 2021 жылғы 27 мамыр күні комиссияның кезектен тыс отырысы өткізілді.
Бұл туралы Келес ауданының баспасөз қызметі хабарлайды.
Күн тәртібіне жазғы шомылу маусымында Келес ауданының су объектілерінде азаматтардың қауіпсіздігін қамтамасыз ету жөніндегі іс-шаралар жоспарын орындалу туралы Келес аудандық төтенше жағдайлар бөлімнің басшысы Х.Кеңесов баяндама жасады.
Комиссия төрағасы А.Жаңбырбаев ауыл, ауылдық округ әкімдеріне халық арасында Қазақстан Республикасының Ішкі істер министірлігінің 2015 жылғы 19 қаңтардағы №34 бұйрығымен бекітілген су айдындарындағы қауіпсіздік қағидаларының талаптарын түсіндіру жұмыстарын жүргізуді, Су объектілерінде заңнамада белгіленген тәртіппен әдістемелік құралдар мен билбордтардың, плакаттардың, жаднамалардың, ескертпелердің, арнайы тыйым салу белгілерінің шығарылуын қамтамасыз етуді, су объектілерінде құқықтық тәртіпті қамтамасыз ету мақсатында рейдтер ұйымдастыруды тапсырды.
ANYQ.KZ-ақпарат
