Жаз мезгілінде кездесетін жұқпалы аурудың түрлері көп. Әсіресе, қоғамдық тамақтану орындарында, оның ішінде көше бойларында орналасқан кафе, асхана, дүңгіршіктерден тамақ сатып алу — өте қауіпті.
Міне, осы қауіптің алдын алу мақсатында аудандық кәсіпкерлік бөлімі және аудандық санитариялық-эпидемиологиялық бақылау басқармасының ұйымдастыруымен Мырзакент кентінің кәсіпкерлеріне арнайы семинар-кеңес өтті.
Іс-шараға ауданның кәсіпкерлік бөлімінің басшысы Өсер Мырзамдамов, аудандық санитариялық-эпидемиологиялық бақылау басқармасының басшысы Абдуғали Кемелов, Мырзакент кентінің әкімі Мамыр Бейсенбаев және аудандық СЭББ-ның бөлім басшылары мен мамандары қатысып, кәсіпкерлерге тамақтан улану және оның алдын алу жөнінде кеңінен ақпараттар берді. Сонымен қатар, кәсіпкерлік нысандарды «Ашық» жобасына енгізу және оның қызмет көрсету орындарындағы маңыздылығы туралы, коронавирус жұқпалы ауруының алдын алу үшін кәсіпкерлік нысандардың қызметкерлеріне вакцина ектіру мәселесі семинар-кеңес барысында айтылды.
«Азық-түлікті сатып алған кезде өнімдердің орамасына, жемістер мен көкөністердің солғындығына, жұмыртқалардың сынғанына, азық-түліктердің жарамдылық мерзіміне өте мұқият назар аудару керек. Әсіресе, жазда азық-түлік өнімдерінің ластану қауіпі жоғары болғандықтан, оны сатып алғанда барынша сапасына мән беріп, қай жерде, қандай жағдайда сақталғанына мұқият көңіл бөлу керектігін ескертеміз. Азық-түлікті қайдан сатып алсаңыз да — сатушы олардың қауіпсіздігін қамтамасыз етуге міндетті» — деді А.Кемелов.
Айта кетейік, астан уланудың алдын алу, кәсіпкерлік нысандарға «Ашық» жобасын енгізу және вакцинация мәселелері бойынша кәсіпкерлерге арналған семинар-кеңестер мен жиындар жалғасын табатын болады.
ANYQ.KZ-ақпарат
I think that what you published made a great deal of sense.
But, what about this? what if you added a little information? I mean, I don’t want to tell you how to run your website, but what if you added something to maybe grab folk’s attention? I mean Түркістан: Мақтааралда жаз мезгілінде астан уланудың алдын алу бойынша семинар-кеңес өтті
— Anyq.kz is a little plain. You might look at Yahoo’s home page
and see how they create article titles to grab viewers to click.
You might try adding a video or a related pic or
two to grab readers interested about everything’ve written. Just
my opinion, it could make your blog a little livelier.
Muchas gracias. ?Como puedo iniciar sesion?