Шымкенттің өнімдеріне сұраныс жоғары

Шымкенттің ауыл шаруашылығы өнімдері шет мемлекеттерге экспортталуда. Әсіресе, омарташылардың өніміне сұраныс жоғары. 

Тассай тұрғын алабындағы құс шаруашылығына маманданған «ККК» шаруа қожалығы ысталған ет өнімдерін дайындайды. Жеңілдетілен несиенің арқасында құс шаруашылығын одан әрі дамытуда. Бүгінде шаруа қожалық қайта өңдеуге ден қойған.

Ал Абдулабад тұрғын алабындағы ара шаруашылығымен айналысатын «Нормухамедов» ЖК елімізге танымал. Бүгінде олар өнімдерін Ресей және Катар елдеріне экспорттауда. Жылына 100 тоннадан астам бал өндіретін жеке кәсіпкердің бүгінгі таңда 5000- нан астам бал ара ұясы бар.

Абдулабад тұрғын алабындағы «Зертас» шаруа қожалығы асыл тұғымды ірі қараның санын көбейтуде. Жеңілдетілген несие және мемлекеттік қолдау арқылы 2019 жылы Аустрия елінен 128 бас етті-сүтті асыл тұқымды (Симменталь) сиыр әкелген. Шаруашылықта жалпы 161 бас ірі қара бар.

Айта кетейік, Шымкент қаласында биылғы жылдың төрт айында ауыл шаруашылығы өнімінің жалпы көлемі 7,4 млрд. теңгені құрап, былтырғы жылмен салыстырғанда едәуір артқан.

«ANYQ.KZ»-ақпарат.