Алматы қаласындағы “Медеу” мұз айдынында ұлттық қолөнерді ұлықтауға арналған ерекше көрме өтті. Бұл – белсенді қолөнер жанашыры, өнертанушы Нұргүл Абайханның бастамасымен жүзеге асқан “ALAMAN QURAQ-2025” жобасы аясындағы айтулы шара. Аталған жоба Гиннестің рекордтар кітабына енуге үміткер ретінде ұсынылып отыр.
Көрмеде 660 құрақ көрпеше мен ұлттық нақыштағы «Алма жастық» үлгілері қойылды. Көрменің басты символына айналған қызыл оюлы «Алма жастық» Алматы қаласының бейнесін паш етсе, республиканың түкпір-түкпірінен келген 660 құрақшы өз қолымен дайындаған көрпешелерін ұсынды. Олар ұлттық киім киіп, халқымыздың көне өнерін заманауи деңгейде танытты. Бірегей шараға еліміздің түкпір-түкпірінен келген құрақ шеберлері қатысып, қазақ қолөнерінің өміршеңдігін паш етті. Осы ерекше құрамның ішінде Түркістан облысынан арнайы барған 100 құрақшы өз қолдарымен тіккен туындыларын ұсыну арқылы ел руханиятына сүбелі үлес қосты. Олар ұлттық киім киіп, қазақы болмысты заманауи кеңістікке лайықтап танытты. Бұл — тек қолөнер емес, бұл – ұлттың үнін әлемге жеткізген өрелі өнер.
Олар ұлттық өнердің ұлықталуына өзіндік үлесін қосып, ерекше шараға белсене қатысты. Әр көрпеше – бір-бір хикая. Әр жастық – ұлттық нақыштың, отаншылдықтың, аналық мейірім мен еңбекқорлықтың жарқын белгісі. Көрменің символына айналған қызыл оюлы «Алма жастық» – Алматы шаһарының рухани бейнесі мен табиғи сәнін ұштастырып тұрғандай әсер қалдырды.
“Аламан құрақ” бұл тек қолөнер көрмесі емес. Бұл – ұлт рухының жаңғыруына бағытталған ірі мәдени бастама. Жобаның негізгі мақсаты – ұлттық сананы тәрбиелеу, дәстүр мен өнерді ұштастырып, ата-бабадан қалған рухани мұраны келер ұрпаққа аманаттау.
Қазақтың қазынасы саналатын қолөнер — тек көздің жауын алатын бұйым емес, ол – ұлттың жаны, рухани шежіресі. Осы шежірені жаңғыртып, әлемге таныту мақсатында Алматы қаласындағы әйгілі «Медеу» мұз айдыны алаңында өткен ауқымды мәдени шара ел жадында ұзақ сақталары анық. Елордалық өнертанушы, қолөнердің жанашыры Нұргүл Абайханның бастамасымен жүзеге асқан «ALAMAN QURAQ-2025» жобасы – ұлттық мұраны дәріптеу ісінде жаңа белесті бағындыруға ұмтылған ерекше бастама ретінде тарих бетіне жазылды.
«Аламан құрақ» жобасының ең басты ерекшелігі — оның рухани астарында. Бұл жай ғана көрме емес. Бұл — ұлттық сана мен болмысты жаңғыртуға бағытталған мәдени бастама. Құрақтың әр тігісі – тарихтан сыр шертеді, оюдың әр өрнегі – ұлттың көркемдік танымының көрінісі. Бұл жобаның мақсаты – ата-бабадан аманат болып қалған асыл өнерді ұрпақ санасына сіңіру, оны заман талабына сай дамыта отырып, халықаралық деңгейге шығару.
Гиннес рекордтар кітабына енуге ұсынылған аталмыш жоба — қазақ қолөнерінің өрісін кеңейтіп, әлем жұртшылығының назарын ұлттық мұрамызға бұруға бағытталған тың қадам. Бұл — тек рекорд үшін жасалған шара емес, бұл — ұрпаққа аманат, тарихқа тағзым, мәдениетке құрмет.
Ұлттық өнердің тіні үзілмей, тамыры тереңдей бермек. «Аламан құрақ» арқылы тігілген оюлы көрпелер — елдің намысы, ананың алақаны, даланың дауысын жеткізген үн тәрізді. Міне, осындай құндылықты әлем мойындап, тарих бетіне жазса — бұл шын мәнінде руханияттың үлкен жеңісі болмақ.
“Аламан құрақ” жобасы – бір реттік шара емес, ұлттық өнер мен дәстүрді дәріптейтін мәдени қозғалыс. Мақсат – ата-баба мұрасын жаңғыртып, оны бүгінгі буынмен байланыстыру, ұлттық болмысымызды қайта тану. Бұл – тек рекордқа ұмтылу ғана емес, қазақ қолөнерінің құндылығын әлемге танытудың бір жолы.
Айта кетейік, бұған дейін Қазақстан бір мезетте 3 мыңнан астам домбырашының күй орындауымен Гиннестің рекордтар кітабына енген болатын.
«ANYQ.KZ»-ақпарат.
