Түркістан облысы, Бәйдібек аудандық адами әлеуетті дамыту бөліміне қарасты М. Әуезов атындағы ІТ-мектеп-лицейінің білім алушылары жазғы каникулды тиімді өткізуде. Жазғы каникулда кітап оқу- балалардың кітапқа деген белсенділігін арттырып қана қоймай, олардың қиялын және шығармашылық қабілеттерін дамытады. «Жаз қызығы кітаппен» дегендей кітапханада балалармен жазғы каникулды қызықты әрі әсерлі өткізу мақсатында түрлі ойындар, жұмбақтар, жаңылтпаштар мен сөзжұмбақтар шешіп, көңілді әдеби серуендер ұйымдастырылды. Сондай-ақ түрлі өлеңдер оқып, оқыған кітаптары бойынша пікір алысты. Нәтижесінде көп оқыған, білгір, белсенді оқушылар сыйлықтармен марапатталды.
