Халқымыздың қолөнері – ұрпақтан-ұрпаққа мұра болып келе жатқан ұлттық мәдениетіміздің ажырамас маңызды бөлігі саналады.
Қолөнер түрлерінің өн бойында халықтың материалдық және рухани болмысы көрініс тапқан.
Ағаштан, темірден түйін түйген, жүннен көз жауын алатындай бұйым жасаған, асыл тастардан сән бұйымдарын соққан, сүйек пен мүйізді, шиді қиынынан қиыстырған халық шеберлерінің ісі — мақтауға тұратын өнер туындысы.
Оқушылар сарайы «Өнер» бөлімінің «Өнер – өмір өрнегі» атты есеп беру кеші өтті. Сахнада «Дефиле», «Суретші», Ағаш шебері», «Мүсін және керамика», «Шебер қолдар» және «Зергерлік өнер» үйірмесінің оқушылары өнер көрсетті. Жылдағыдан бөлек өткізілген кештің ерекшелігі жасаған бұйымдарын көрсетіп қана қоймай, Әнмен әрлеп, бимен көмкерді.
Есеп беру кеші 28 маусым — Байланыс және ақпарат қызметкерлерінің күнімен сәйкес келді. Журналистер қауымын Оқушылар сарайы директоры Индира Сарқытқызы құттықтап, жұмыстарына табыс тіледі.
Концертті керемет көңіл-күйде TUROS тобы «Біз – болашағы елдің» әнімен аяқталды.
