Сайрам ауданының адами әлеуетті дамыту бөлімінің басшысының міндетін атқарушы Қайрат Әбдірахымұлы Арап Көлкент, Қарамұрт ауылдық округтерін аралау барысында №26 «М.Қашқари», №13 «Навои», Қарамұрт ауылындағы №6 «Киров», атындағы жалпы орта мектептерінің күрделі жөндеу жұмыстарымен танысты.
ü №6 Киров жалпы орта мектебі 1978 жылы қолданысқа берілген. Жобалық қуаты 750 орынға арналған. Аталған мектептегі жөндеу жұмыстарын «СервисЦентр -2007» жауапкершілігі шектеулі серіктестігі жүргізуде, бүгінгі таңда атқарылуға тиісті жұмыстың 50 пайызы жүзеге асқан, 15 тамызға жұмыс толық аяқталады деп жоспарлануда.
ü №13 А.Навои жалпы орта мектеп 1974 жылы қолданысқа берілген. Жобалық қуаты 640 орынға арналған. Қазіргі таңда мектепте бас мердігер «Нурпромсервис» ЖШС мектептің жылыту жүйесінің 25 пайызын ауыстырған, жұмысты толық үстіміздегі жылдың 15 тамызына аяқтауды жоспарлауда.
ü №26 М.Қашқари жалпы орта мектебі 2004 жылы қолданысқа берілген. Жобалық қуаты 528 оқушы орынға арналған. Мектептің күрделі жөндеу жұмыстарын «Нурпромсервис» ЖШС жүзеге асыруда, бүгінгі күнге жұмыстың 30 пайызы орындалған. Қалған 70 пайыз жұмысты 15 тамызға дейін аталған мердігер аяқтауды жоспарлап отыр.
Білім беру ұйымдарындағы жөндеу жұмыстарының сапалы аяқталуы басты назарда болады, күнделікті атқарылған жұмыстар білім бөлімі тарапынан қадағаланып отыр.
«Anyq.kz»- ақпарат
