ШЫМКЕНТ: « ЖАСТАР ПРАКТИКАСЫ» БОЙЫНША ЖАЛАҚЫ МӨЛШЕРІ 91 890 ТЕҢГЕГЕ ТЕҢ

Бұл жайында халықты жұмыспен қамту  орталығының директоры  Шағдат Әсетұлы  мәлімдеді. Осылайша орталық директоры Шымқаламыздың жастарын «Жастар практикасы» бағдарламасы аясында  жұмысқа орналасуға шақырды.

«Өздеріңізге белгілі, «Жастар практикасы» елімізде біраз жылдан бері жүзеге асырылып келе жатқан ауқымды бағдарлама. Еліміз бойынша, оның ішінде Шымкентте аталған бағдарламаға қатысып, мамандығы бойынша жұмысқа жолданып, тұрақты жұмысқа орналасып жатқан жастар өте көп»,- деп бастады Шағдат Әсетұлы.

Оның берген мәліметіне сүйнесек,  2021 жылы Шымкентте 2500-ден астам жас «Жастар практикасы» бағдарламасымен жұмысқа жолданыпты.  Олардың 1300-дейі барған жерлерінде тұрақты жұмысқа орналасқан. Ағымдағы жылы аталған бағдарламамен 2098 жасты қамту жоспарланып отыр. Жыл басынан 1000-нан астам жас жұмыспен қамту орталығына жұмыссыз жас ретінде тіркеліп, тиісті жұмыс орындарына жолдама алған. Қазіргі таңда олар өздерінің мамандықтары бойынша жұмыс істеуде.

Айта кету керек, «Жастар практикасы» —  уақытша жұмыс орны болып есептеледі және оған 29 жастан аспаған «жұмыссыз» мәртебесі бар және соңғы үш жыл ішінде (2020,2021,2022ж) жоғарғы оқу орындары мен колледждердің техникалық және кәсіби білім түлектері қатыса алады.

Бүгінгі таңда бағдарлама жалақысы  көтеріліп 91 890 теңгені құрап отыр (30 АЕК). Бағдарламаға қатысу мерзімі 12 айға дейін ұзартылған (бұрын 6 ай болатын).

Ескеретін жайт, бағдарлама мерзімі ағымдағы жылға ғана есептеледі. Сондықтан, бағдарламаға қатысуға неғұрлым ерте құжат тапсырған жөн. Бұдан бөлек жастар үшін «Алғашқы жүмыс орны» бағдарламасы бар. Бұл жоба ЖОО немесе арнаулы орта оқу орнын (колледж) тамамдаған жастар үшін зор мүмкіндік!
🔹 Жалақысы — 30 АЕК;
🔹 Мерзімі — 18 ай.
🔹 Аталған жобамен жұмысқа жолданған жас маман 18 ай бойы тұрақты айлық алып отырады және тәжірибе жинақтайды!
☎Мәлімет үшін тел:

Қаратау ауданы — 87052876044

Еңбекші ауданы — 87752996620

Әл-Фараби ауданы — 87029348041

Абай ауданы — 87074530803

«Anyq.kz» — ақпарат