Шынын айту керек, өткен апта Түркістан облысы спортшылары үшін табысты болды. Өңір мақтаныштары халықаралық додаларда ел намысын абыроймен қорғап, жүлделі орындарды иеленді. Енді санамалап тарқатып көрсек.
Универсалды жекпе-жектен (Унифайт) Азия чемпионаты
10-15 шілде аралығында Қырғызстанның Чолпон-Ата қаласында өткен унифайттан Азия чемпионатында Түркістан облысының спортшылары жоғары нәтиже көрсетті:
Қ. Күмісбек – 40 келі, 2-орын;
Қ. Абилхан – 45 келі, 2-орын;
Н. Сабыр – 60 келі, 3-орын;
А. Тілеубек – +95 келі, 1-орын;
Н. Абдулла – 80 келі, 1-орын;
Б. Бақтиёров – 85 келі, 1-орын;
Д. Құрманбек – +80 келі, 1-орын;
К. Алпысбай – 57 келі, 1-орын;
Е. Абдубай – +52 келі, 1-орын;
А. Нұрланқызы – 52 келі, 1-орын;
Қ. Анарбек – +62 келі, 1-орын;
А. Салсалбек – 65 келі, 1-орын.
Грек-рим күресі
19-21 шілде күндері Венгрияның Будапешт қаласында өткен “Polyák Imre & Varga János Memorial” рейтингтік халықаралық турнирінде 57 келі салмақта Раймова Нилуфар қола жүлдені жеңіп алды.
Еркін күрес
15-18 шілде аралығында Будапештте өткен ересектер арасындағы халықаралық турнирде Түркістан облысының спортшысы, ұлттық құраманың мүшесі Есенгелді Асылжан 61 келі салмақта үшінші орын иеленді.
Дзюдо
12-13 шілде күндері Тайпей (Тайвань) қаласында өткен Ашық Азия кубогында 90 келі салмақта Хамза Дидар қола жүлдегер атанды.
Каратэ (WKF)
10-13 шілде аралығында Астана қаласында өткен “Kazakhstan Open” халықаралық турнирінде Түркістан облысының каратэшілері үздік нәтиже көрсетті:
Айзере Абдрасил – 1-орын
Елнұр Түребек – 1-орын
Гүлмира Үсенова – 1-орын
Кәсіпқой бокс
ҚР еңбек сіңірген спорт шебері, облыстың үздік спортшысы Сәкен Бибосынов Қырғызстан астанасы Бішкек қаласында өткен кәсіпқой бокстағы алғашқы жекпе-жегінде қарсыласын айқын басымдықпен жеңіп шықты.
«ANYQ.KZ»-ақпарат.
