Түркістан облысының білім саласында сапаны қамтамасыз ету департаменті осы жылдың маусым, шілде айларында мемлекеттік аттестаттаудан өтетін білім беру ұйымы басшыларымен семинар-кеңес өтті.
Семинар-кеңесте 2021 жылдан бері жаңа талаптарға сәйкес өтіп жатқан мемлекеттік аттестаттаудың ерекшеліктері сөз болды.
Сондай-ақ, білім беру ұйымы басшыларына мемлекеттік аттестаттау жүргізілгенге дейін өзін-өзі бағалау құжаттарын мерзімінен кешіктірмей ұсыну, «Білім беру ұйымдарын бағалау өлшемшарттарына» сәйкес ұсынылатын құжаттарды ресми сайттарына немесе интернет-ресурстарына жариялап қою (сілтемесін өзін-өзі бағалау қорытындысына жазып көрсету) және сыбайластыққа жол бермеу мақсатында алдын алу шараларын жүргізу, болдырмау міндеттемелері айтылды.
Семинар-кеңес соңында білім беру ұйымы басшылары түрлі сұрақтар қойып, қажетті жауаптарды алды.
