Жамбыл облысы әкімдігінің бірыңғай байланыс орталығының директоры Тұрсынбек Бақгелді бастаған мекеме ұжымының бірқатар азаматтары Шымкент қаласының ситуациялық 109 орталығына тәжірибе алмасу мақсатында арнайы келді.
Бұл туралы Шымкент қаласы әкімдігінің баспасөз қызметі хабарлайды.
Шымкент қаласының ситуациялық орталығының басшысы Азат Әміртай тараздық әріптестеріне атқарылып жатқан жұмыстармен таныстырып, алдағы жоспарларымен бөлісті.
Сондай-ақ, қала тұрғындарының тарапынан келіп түскен шағымдардың өңделуі мен атқарылу барысы жайында түсіндірді.
– Өткен жылдың маусым айында ашылған Шымкент қалалық ситуациялық 109 орталығына бүгінгі күнге дейін 128 мыңнан астам арыз-шағым түсті. Аталған өтініштердің 98 пайызына тиісінше жауаптары беріліп қанағаттандырылды, — деді Азат Ермекбайұлы.
Жамбыл облысы әкімдігінің «Jambyl 109» бірыңғай байланыс орталығының директоры өз кезегінде «Jambyl 109» бірыңғай диспетчерлік қызметі қала өміріне байланысты 68 коммуналдық және қалалық қызметтері біріктіріліп, шұғыл емес сипаттағы 1000-нан аса мәселелер бойынша қала тұрғындары мен қонақтарның өтініштерін қабылдайтынын айтты.
«ANYQ.KZ» — ақпарат
I like this web blog it’s a master piece! Glad I noticed this ohttps://69v.topn google.Blog money