Мемлекеттік қолдау: Шымкенттік 285 681 азаматқа әлеуметтік көмек тағайындалды.
2020 жылғы 1 маусым, сағат 09:00-дегі мәлімет бойынша Шымкент қаласынан төтенше жағдай кезеңінде әлеуметтік төлемді алу үшін арнайы портал, сайттардан 535 633 адамнан өтініш түскен.
Оның ішінде 285 681 адамға әлеуметтік төлем тағайындалған болса, 246 173 азаматтың өтініші бойынша оларға әлеуметтік төлем тағайындалмайтындығы анықталып, кері қайтарылған.
Жалпы әлеуметтік төлем алған 285 681 азаматтың ішінде 272 905 өтініштер бойынша, ал, 12 776-іне проактивті (атаулы әлеуметтік алушылар және бірыңғай жиынтық төлем жасаған азаматтар) түрде тағайындалды. Бүгінге дейін 285 681 азаматқа 42500 теңгеден әлеуметтік көмек карталарына аударылған.
Жалпы, Қазақстан Республикасы бойынша, осы уақытқа дейін аталмыш жәрдемақыны алу үшін 8 миллион адам өтініш жіберіп үлгерген. Оның ішінде 4 миллион 600 мыңнан астам азаматөа ақша аударылды.
«ANYQ.KZ»-ақпарат.
