Республика күніне орай Астана қаласында Оқу-ағарту министрі Ғани Бейсембаев «Үздік педагог» республикалық байқауының қорытындысы бойынша үздік ұстаздарды марапаттады.
Биыл оған елдегі мектептер мен колледждердің 1750 мұғалімі қатысты, олардың 64-і өз мамандығы бойынша үздік деп танылды.
ҚР Білім министрі Бейсембаев әріптестерін салтанатты түрде құттықтап, қазіргі қоғамдағы мұғалімнің ерекше рөлін атап өтті. Оның айтуынша, жыл сайын біздің педагогтар халықаралық аренада жоғары жетістіктерді көрсетеді. Мысал ретінде, биылғы жылы біздің оқушылар ең беделді Дүниежүзілік пәндік олимпиадаларда 26 медаль жеңіп алды, оның екеуі – алтын.
Аталған іс-шараға қаламыздан № 2 мамандандырылған үш тілде оқытатын мектеп-интернатының мұғалімі М. Галиева, М. Х. Дулати атындағы үш тілде оқытатын №8 мамандандырылған гимназияның мұғалімі Ю.Грязнов, «Саз колледжінің» арнайы пән оқытушысы О. Дмитриева, Т.Тәжібаев атындағы №47 мектеп-гимназияның мұғалімі Г. Шералхан қатысып, «Үздік педагог» төсбелгісімен және ақшалай сыйлықпен марапатталды.
Айта кетейік, республикалық байқау жеңімпаздары «Үздік педагог» куәлігін, аттас төсбелгіні және 1000 АЕК (3,6 млн теңгеден астам) мөлшерінде ақшалай сыйақы алды. Сондай-ақ, Республика күніндегі салтанатты іс-шарада білім беру жүйесінің бірқатар еңбек сіңірген қызметкерлері мемлекеттік және ведомстволық наградаларға ие болды, оның ішінде «Ерен еңбегі үшін» медалі, «Еңбек ардагері» медалі, «Ы. Алтынсарин», «білім беру ісінің құрметті қызметкері». Үздік педагог » байқауы 2012 жылдан бері өткізіліп келеді. Осы уақытқа дейін 700-ге жуық педагог үздік деп танылды, олардың әрқайсысына мемлекеттік қолдау ретінде 1000 айлық есептік көрсеткіш мөлшерінде сыйақы берілді. Республикалық конкурстық комиссияның құрамына ҮЕҰ, ата-аналар қоғамының өкілдері, жупоналистер, белсенді педагогтар, Білім және ғылым қызметкерлерінің Қазақстандық салалық кәсіподағының өкілдері және басқалар кірді.
