«Nur Otan» партиясы Сайрам аудандық филиалы жанындағы Жастарды қолдау жөніндегі қоғамдық кеңестің кезекті мәжілісі өткізілді.
Отырысты кеңес төрағасының орынбасары Қадыр Қуатбеков жүргізіп, төрағалық етті. Күн тәртібінде партияның Сайлауалды бағдарламасының іске асырылуы мен 2025 жылға дейінгі «Жастар – Отанға!» бағдарламасының Жол картасының орындалуы талқыланды. Сонымен қатар аудандық «Jas Otan» жастар қанатының төрағасы Әділхан Маратұлы «Еріктілер жобасын» жүзеге асыру мақсатында арнайы баяндама жасап, баяндама бойынша пікір-алмасып, тиісті ұсыныстар берілді.
Отырысты қорытындылаған кеңес төрағасының орынбасары Қадыр Қуатбеков 12-тамыз Халықаралық жастар күнімен құттықтап, жастар күні аясында өзінің шәкірті Токио олимпиядасының қола жүлдегері Сакен Бибосыновтың жетістіктерін тілге тиек етіп, алғашқы бапкері болғандығын, Сәкеннің жеңісі елдің жеңісі екендігін атап өтті. Сонымен қатар жастар арасында ұлттық спорт түрлерін дамыту, аула спортын жандандыру, спорт мектептерінің жалпы аудан халқына қолжетімділігі, аудан жастарын көптеп спортқа тарту мәселесі көтеріліп, ұсыныстар берілді.
«ANYQ.KZ» — ақпарат
