ТҮРКІСТАН: АНАДОЛЫДАҒЫ ІV ХАЛЫҚАРАЛЫҚ ГЕОГРАФИЯ КОНГРЕСІНЕ ТҮРКІСТАНДЫҚТАР ҚАТЫСТЫ

Әлемдік білім беру кеңістігіне ену үшін елімізде білім берудің жаңа жүйесі жасалуда. Бұл оқу-тәрбие үрдісіндегі елеулі өзгерістерге байланысты болып отыр. Себебі, білім беру парадигмасы өзгерді, білім берудің мазмұны жаңарып, жаңа көз- қарас, жаңаша қарым-қатынас пайда болуда. Ғылым мен техниканың жедел дамыған, ақпараттық мәліметтер ағыны күшейген заманда ақыл-ой мүмкіндігін қалыптастырып, адамның қаблетін, талантын рухани келбетін дамыту, білім беру мекемелерінің басты міндеті болып отыр. Бүгінгі білім беру кеңістігіндегі ауадай қажет жаңару білім беру саласы қызметкерлерінің алдына үлкен міндеттер жүктейді. Сол міндеттердің бірі де бірегейі — шетелдік әріптестердің іс-тәжірибесімен танысып, озық дүниелерін еліміздің білім саласына енгізу.

Туркияның оқу орындары арасында өзіндік беделі бар Қарабүйік қаласындағы Қарабүйік мемлекеттік университеті және ICGE ұйымдастыру комитеті бірлескен ынтымақтастығы мен қазан айының 7-9 аралығында «Георгафиялық формация жергілікті жерден-жаһанға, жеке адамнан-мемлекетке» тақырыбында ІV Халықаралық географиялық білім конгресі өтті. Конгреске жиналған қонақтар арасында географиядан республикалық атаулы мектеп жетекшісі «Қазақстанның еңбек сіңірген» қызметкері п.ғ.д. профессор, РАЕ академигі Ұ.Ә.Есназарова ханымды зор құрметпен қарсы алып, университет оқытушылары мен студенттері арасында дәріс оқуға шақырды.

Конгрестің келесі күні елімізден барған Қазақстандық делегация мүшелері география пәнінің мәселелері мен мүмкіндіктері бойынша өз баяндамаларын секция отырысында таныстырды. Соның бірі мен, Түркістан облысы «Білім беруді дамыту орталығы» әдіскері Каликов Арман Тамабаевич Түркі дүниясының астанасы «Түркістан географиясы» атты баяндама оқып, өз тәжірибеммен бөлістім. Түрік бауырларымыздың қойылған сұрақтарына жауап бердім. Біздің еліміздің географиясына деген қызығушылықтарын байқадым.

Конгрестің соңғы күні Қарабүйік ауданы бойынша экскурсия ұйымдастырылып, ауданның экономикасында елеулі орын алатын орман шаруашылығымен таныстырды. Еліміздің делегациясын бастап келген профессор Ұ.Ә.Есназарова ханымға естелік сыйлығын табыстады. Конгреске барған Географиядан республикалық атаулы мектеп мүшелері бауырлас елмен қатынасымызды әрі қарай дамытамыз деп шештік. Конгресті ұйымдастырушы Қарабүйік мемлекеттік университеті ұжымына алғыс білдіреміз.