Қазақстан халқы ассамблеясы 25 қазан — Республика күніне орай “Менің Отаным — Менің Қазақстаным” челленджін Түркістан облысынан қабыл алып, Батыс Қазақстан және Ақмола облыстық Қазақстан халқы ассамблеясы өкілдеріне жолдаймыз!
Республика күні — еліміздің тәуелсіздік жариялауына негіз болған айтулы күн. 1990 жылы дәл осы күні Қазақ елі декларация жариялап, мемлекеттің тәуелсіздігін айқындады.
Тағдыр табыстырған, тарих тоғыстырған түрлі этнос өкілдері азаттықтың арайлы таңында ортақ Отанымыздың іргесін бірге қаласты. Бұл күн тек мереке ғана емес, мемлекетіміздің қалыптасу тарихы ұлықталатын, өткеннің өнегесін өскелең ұрпаққа насихаттайтын күн.
Біздің басты байлығымыз – қоғамдық келісім, елдің бірлігі, татулығы. Берекесі мен бірлігі жарасқан тәуелсіз Отанымыздың мерейлі мерекесі — Республика күні құтты болсын! Еліміз аман, жұртымыз тыныш болсын! Халқымыздың бірлік-берекесі арта берсін!
