«Жылу» мемлекеттік коммуналдық кәсіпорыны тарапынан қаламыздағы жалпы 113 дана көпқабатты тұрғын үй жылумен қамтылуда.
Бұл туралы Түркістан қаласы әкімінің баспасөз қызметі хабарлайды.
Олар І-ші мөлтекауданда 58 дана, ІІ-ші мөлтекауданда 15 дана, ТГЖД аумағында 2 дана, Отырар мөлтекауданында 38 дана пәтер. Одан бөлек, 28 бюджеттік пен 55 кәсіпкерлік заңды тұлғаларға, сонымен қатар, 52 жер телімді тұрғын үйде орталық жылу энергиясымен қамтамасыз етілуде.
Аталған мекеме 2021-2022 жылғы жылу беру маусымына дайындықты қарқынды жүргізуде.
Бүгінгі күнге кәсіпорынға қарасты барлық магистралдық және ішкіорамдық жылу жүйесінің қысымдау жұмыстары жүргізілген. Барлық қазанды қысымдау және шаю жұмыстары да жүргізіліп қойылды.
Қазіргі таңда І-ші және ІІ-ші мөлтекаудандағы ішкіорамдық жылу жүйесінің 17990 метр қашықтық құбырдың жер асты жүргізілген 14200 метр құбырды ауыстырылуда. Жоспар бойынша аталған ауыстыру жұмысы 2021 жылдың күзіне аяқталмақ.
«ANYQ.KZ» — ақпарат
