Түркістан: Келесте инфрақұрылымды дамытуға ерекше мән беріліп келеді

Келес ауданы тұрғындарының өмір сүру сапасын жақсартудың негізі ретінде инфрақұрылымды дамытуға ерекше мән беріліп келеді.


Осыған орай бүгін Келес ауданының әкімі Ақментай Есбаев Қошқарата ауылдық округінің 9 елді мекенін газдандыру жұмысының барысымен танысты.

Мердігер мекеме өкілдерімен кездескен аудан басшысы атқарылған жұмыстың сапасына аса мән беру керектігін және мерзімінде ел игілігіне тапсыру кажеттілігі айтылып, бірқатар маңызды мәселелер талқыланды. Аудан әкімі бұл жобаның маңыздылығын, ауыл тұрғындарына керектігін және ауданның дамуына әсерін тағы бір түсіндіріп өтті.

Айта кететін жайт Қошқарата ауылдық округінің Алғабас, Аманжар, Бәйтерек, Бесауыл, Жамбыл-1, Жамбыл-2, Жаңақоныс, Қарабура және Мақташы елді мекендерінің тұрғындары биыл табиғи газбен қамтылмақ. Аталған құрылысқа жауапты 5 мердігер мекеме жүргізуде. Қазіргі таңда мердігерлер газ құбырынының құрылысын аяқтап, қысымдау жұмыстары жүргізуде.

Келес ауданында биыл инфрақұрылым саласы бойынша 25 нысанда құрылыс жұмыстары жүргізілуде. Атап айтқанда, табиғи газбен қамту бойынша 11 нысан, ауыз суға арналған 11 нысан, 3 сапалы электр желісінің нысаны.

 «ANYQ.KZ» — ақпарат

Ad Widget

Recommended For You

About the Author: admin

Добавить комментарий

Ваш адрес email не будет опубликован.