Түркістан облысы: Саурандық спортшылар топ жарды

«Балалар жылына» орай ұйымдастырылған «Qarabatyr boxing Championship» балалар мен жасөспірімдер арасында бокстан өткен Халықаралық турнирде Сауран ауданының жастары топ жарды.

Республикалық деңгейде өткен тартысты додада Б.Османов 30 келі салмақта 1-ші орын, А.Идрисов 54 келі салмақта 1-ші орын, Д. Абдураимов 40 келі салмақта 2-ші орын, И. Абдуллаев 44 келі салмақта 3-ші орындарды иемденіп, жоғары көрсеткіштерге қол жеткізді.

Жүлдегерлер «Qarabatyr» спорт клубының жетекшісі М.Жумашбековтың арнайы дипломдарымен марапатталды.

Жас спортшыларымызды жеңістерімен құттықтай отырып, толағай табыстар тілейміз!

Жалпы, тәні саудың — жаны сау. Деніміздің сау болуы біздің бүгініміз бен ертеңіміздің жарқын болуына кепілдік береді. Салауатты өмір сүру салтын кішкентай кезімізден бойымызға сіңіріп, әдетке айналдыруымыз қажет. 

Кез келген ата-ана баласының мықты, дені сау болып өскенін қалайды. Сондықтан, баланы кішкентай кезінен спортпен таныстырып, спортқа баулып, баланы қандай спортпен шұғылдандыруға болатынын білген абзал.

Дене шынықтырумен, спортпен баланы кішкентай кезінен үйреткен жөн. Себебі, дәл осы кезде балалар үлкендерден үлгі алып, үйрене бастайды. Спортты отбасылық дәстүрге айналдыратын болсаңыз, тіптен тамаша. Сол кезде жаттығу жасау балаға «жаза» немесе қосымша күш емес, қалыпты физикалық жаттығу, ата-анамен жылы тілдесуге мүмкіндік беретін ерекше сәт ретінде есінде қалады. Бұл баланың психилоголиялық тұрғыдан дамуына да көп көмегін тигізеді.

Ата-аналар бастапқыда баланы қандай спортқа баулитынын білмей дал болады. Мамандар балаға спортты таңдаған кезде мына факторларды ескерген жөн дейді. Олар:

Жасы;

Денсаулық жағдайы;

Темпераменті;

Баланың қызығушылығы;

Мектеп жасына дейінгі балаларға спорт икемділігін арттырып, жылдамдық реакциясын және де адамдармен байланыс орнатуға жағынан пайдалы. Мәселен, мұндай жастағы балалар гимнастика, футбол, мәнерлеп сырғанау сынды спорт түрлеріне икемді болады. Ал 7-9 жастар жастан кейін жалдамдыққа жұмыс істеп, жүктемесі көп спортпен шұғылдандыруға әбден болады. Атап айтқанда, ат спорты түрлері мен таушыңғы спорты осы жастағы балаңызға ұнауы мүмкін.

Ал 11 жастан кейін балаларды жарақат алу қауіпі бар спорт түрлеріне қорықпай қатыстыра аласыз. Әдетте, ата-аналар бұл кезеңде балаларды гандбол, альпинизм, ауыр атлетика сынды спорт түрлеріне баулиды.

Егер сіздің балаңыз сангвиник типті, белсенді болса, онда оған командалық (футбол, баскетбол, волейбол) және мықтылығын көрсететін (альпинизм, семсерлесу) сынды спорт түрлері оң келеді.

Балаңыз жастайынан холерик болса, яғни, мінезді, жігерлі болса онда оны теннис, күрес түрлері мен ат спортына қызығушылығын арттырыңыз. Ал флегматиктерге ұзақ жаттығу мен жаттығудағы көп жүктеме олардың ішін пыстырмайды. Соныдақтан, осы типтегі балаларды жүзу, жүгіру және қайық спорттарына қатыстыра аласыз.

Табиғатынан темпераменті меланхолик болса, командалық емес, жекелей санаттағы спортқа баулығаныңыз абзал.

Егер сіздің балаңыз арық, бұлшық еттері әлсіз болса, онда жылдамдық пен төзімділікті дамытатын спорт түрлеріне назар аударыңыз (көркем гимнастика, велоспорт). Егер ұлдың немесе қыздыңкеуде тұсы кең, иық пен жамбастың ені бірдей болса, онда командалық спорт түрлері қолайлы. Ал сіздің балаңыздың қаңқасы үлкен, бұлшықеттері мығым болса онда ол физикалық күшті талап ететін спорт түрлерімен қиналмай шұғылдана алады. Мысалы, пауэрлифтинг, бокс, ауыр атлетика спорт түрлері осы санатқа жатады.

Қысқа бойлы, дене бітімі арық балалар көбіне мылтық ату және мотоспортқа икемді болады.  

Десе де, әр адам жеке тұлға. Біз маман ретінде жалпылама кеңес береміз. Спорттың барлық түрі өзінше пайдалы болады. Спортпен кішкентай кезінен шұғылдану адамның қан айналым мен тыны салу жолдарын реттейді. Иммунитетін күшейтіп, бұлшықеттерін бірқалыпты етеді. Физикалық жаттығулар артық салмақтың алдын алады. Спорттың арқасында баланың организімі жақсы дамып, түрлі ауруларға төтеп береді. Сондай-ақ, иммунитетті қалыптастырады.

Ел Президенті Қасым-Жомарт Тоқаев 2022 жылды «Ба­лалар жылы» деп жариялап, денсаулық сақтау, білім беру, әлеуметтік қол­дау бағытында нақты шаралар қолға алынуы керек екенін айтып, тапсырма бер­ген еді. Мемлекет басшысы: – Әңгіме жалаң ұран мен мерекелік шаралар туралы емес. Бірінші кезекте билік тарапынан балаларды қорғау үшін денсаулық сақтау, білім беру, спорт, әлеуметтік қолдау бағытында нақты шаралар қолға алынуы керек. Өскелең ұрпақтың үйлесімді дамуы мен бақытты балалық шағы – біздің жалпыұлттық міндетіміз ,– деп, бұл жылда істелетін жұмыс нәтижесін құр даңғыра сөзбен емес, нақты іспен көрсету керектігін ескерткен болатын.

«ANYQ.KZ»-ақпарат