2024 жылдың ІІ жартыжылдығында атқарылған шаруалар бойынша Сауран ауданының әкімі Мақсат Таңғатаров Қарашық ауылдық округінің тұрғындарымен кездесу өткізіп, округтің әлеуметтік-экономикалық дамуы мен алдағы жоспарлар туралы пікір алмасты. Бұл шарада ауылдық округтің ағымдағы жағдайы мен болашақта жүзеге асырылатын жобаларға байланысты көптеген мәселелер талқыланды.
Кездесу барысында Қарашық ауылдық округінің әкімі Сәкен Оразбаев 2024 жылы атқарылған жұмыстар мен жүзеге асырылған жобалар туралы егжей-тегжейлі есеп берді. Оның айтуынша, жыл басынан бері бірқатар маңызды жобалар қолға алынып, ауылдың инфрақұрылымы мен әлеуметтік саласы бойынша айтарлықтай прогресс тіркелген. Әсіресе, ауылдағы жолдардың жөнделуі, су құбырлары мен электр желілерінің жаңартылуы, білім беру және денсаулық сақтау нысандарының күшейтілуі сияқты маңызды жұмыстар атқарылды.
Қарашық ауылдық округінің тұрғындары өз сұрақтарын қойып, әкімдермен тікелей байланыс орнатып, мәселелерді ортаға салды. Мақсат Таңғатаров тұрғындардың өтініштерін тыңдап, оларды шешу жолдары бойынша нақты ұсыныстар мен жоспарлар ұсынды. Сонымен қатар, аудан әкімі ауылдық округтің дамуына бағытталған стратегиялық жоспарларды, жаңа инвестициялық жобаларды іске асыру және ауыл шаруашылығы мен кәсіпкерлікті қолдау шараларын атап өтті.
2024 жылы Қарашық ауылдық округінде өндіріс аймағын құру жұмыстары белсенді түрде жүргізілді. Бұл бастама ауылдың экономикасын әртараптандыру және тұрғындардың жұмыспен қамтылуын арттыру мақсатында қолға алынған. Өндірістік аймағын құру арқылы ауылда жаңа жұмыс орындарын ашу, кәсіпкерлік пен өндіріс саласын дамыту көзделіп отыр. Қарашық ауылдық округінің әкімі Сәкен Оразбаевтың айтуынша, өндіріс аймағы ашылғаннан кейін ауыл тұрғындарының жұмыссыздық мәселесі айтарлықтай шешімін табады. Бұдан бөлек, жергілікті кәсіпкерлерге де жаңа мүмкіндіктер туындайды, өйткені өндіріс аймағында шағын және орта кәсіпорындардың жұмыс істеуіне жағдай жасалмақ.
Өндіріс аймағының дамуы ауылдың экономикалық әлеуетін арттыруға, салық базасын нығайтуға және жалпы ауданның әлеуметтік-экономикалық жағдайын жақсартуға оң әсерін тигізеді деп күтілуде. Кездесу соңында Мақсат Таңғатаров ауыл тұрғындарына барлық бастамалар мен жоспарларды бірлесіп, жүзеге асырудың маңыздылығын айтып, аудан әкімдігі әрқашан олардың жақсаруына бағытталған барлық шараларды қолдайтынын жеткізді.
Сонымен қатар 2024 жылдың ІІ жартыжылдығында атқарылған тірліктер бойынша Сауран ауданының әкімі Мақсат Таңғатаров Жүйнек ауылдық округінің тұрғындарымен де кездесу өткізді. Тұрғындар үшін ұйымдастырылған бұл кездесу ауданның әлеуметтік-экономикалық дамуындағы маңызды кезеңдерді және алдағы уақытта іске асырылатын жобаларды талқылау мақсатында ұйымдастырылды.
Жүйнек ауылдық округінің әкімі Төребай Абдікарімов 2024 жылы атқарылған жұмыстар мен жобалар туралы толық қорытынды есеп берді. Оның айтуынша, жыл басынан бері ауылда бірқатар маңызды инфрақұрылымдық және әлеуметтік жобалар жүзеге асырылған. Олардың қатарында жол жөндеу, су жүйелерінің жаңартылуы, жарықтандыру, білім беру мекемелерін жаңғырту және ауылдық медициналық нысандарды заманауи құралдармен жабдықтау секілді шаралар бар.
Айта кету керек, Жүйнек ауылдық округінің тұрғындары жиі көтерген мәселе – ауыз су мен жол мәселелері болды. Биылғы жылы осы екі маңызды бағыт бойынша жұмыстар атқарылды. Ауылдағы кейбір көшелерде асфальт жолдар төселіп, су жүйелері тартылды. Бұған қоса, мектептердің материалдық-техникалық базасы жаңартылып, жаңа білім ошақтары ашылды. Денсаулық сақтау мекемелері бой көтеріп, қажетті құрал-жабдықтармен қамтылды.
Кездесу барысында ауылдық округтің болашақ жоспарлары да қаралды. Әкім Төребай Абдікарімов алдағы уақытта жүзеге асырылатын бірқатар жаңа жобаларды таныстырды. Оның айтуынша, Жүйнек ауылдық округінде өндіріс аймақтары мен шағын кәсіпкерлікті дамыту жобалары қолға алынбақ. Бұл шаралар ауыл тұрғындарын тұрақты жұмыспен қамтуға, экономикалық әлеуетті арттыруға бағытталатын болады. Сонымен қатар, ауыл шаруашылығы саласында жаңа технологияларды енгізу және жерді тиімді пайдалану үшін қолайлы жағдайлар жасау жоспарлануда.
Мақсат Таңғатаров өз сөзінде Жүйнек ауылдық округінің әлеуеті мен даму мүмкіндіктерін атап өтіп, ауылдың одан әрі өркендеуі үшін әрбір тұрғынның белсенділігі мен қолдауы қажет екенін айтты. Ол жаңа жобалар мен бастамалар тұрғындардың қажеттіліктерін қанағаттандыруға және өмір сапасын жақсартуға бағытталатынын атап өтті.
«ANYQ.KZ»-ақпарат.
