Бүгін сыбайлас жемқорлыққа қарсы мобильді топтың кезекті шарасы Құмкент, Шолаққорған және Жартытөбе ауылдарында құқықтық кеңес берумен жалғасты.
Шалғай елді мекеннің 70-тен аса тұрғынына жергілікті әкімдіктің және облыстық Әділет департаментінің өкілдері, сыбайлас жемқорлыққа қарсы мобильді топ мүшелері және антикор еріктілері, адвокаттар мен заңгерлер, сот орындаушылары құқықтық көмек көрсетті. «Сыбайлас жемқорлыққа қарсы мобильді топ» жобасы ағымдағы жылдың басында басталды, жобаның негізгі мақсаты азаматтарға тегін құқықтық көмек көрсету арқылы қоғамда сыбайлас жемқорлыққа қарсы
мәдениетті қалыптастыруға және халықтың құқықтық сауаттылығын арттыруға бағытталған.
Бұл ретте тұрғындар негізінен кәсіпкерлікпен айналысудың тәртібі, өсиетті рәсімдеу, несиенің пайызын жеңілдету, жұмыспен қамту, тұрғын үй кезегіне тұру, медициналық әлеуметтік сақтандыру, банкроттық жариялау, мүгедектікке шығу және бұғатталған есеп шотына қатысты сұрақтардың төңірегінде жүгінді.
Сонымен бірге, кепіл мерзімі аяқталмаған құрылыс нысандарына қоғамдық бақылау жүргізді.
Зерделеу барысында анықталған кемшіліктерді қалпына келтіру бойынша аудан әкімдігі қызметкерлері тарапынан мәжіліс ұйымдастырылып, хаттамалық тапсырмалар берілді. Олардың орындалауы бақыланатын болады.
Естеріңізге сала кетейік, сыбайлас жемқорлыққа қарсы мобильді топ жыл көлемінде аймақтағы елді мекендер мен ауыл тұрғындарына тегін құқықтық көмек көрсетуді және әлеуметтік нысандарға қоғамдық бақылауды тұрақты негізде жүргізетін болады.
Орайы келгенде атап өтер жайт, ағымдағы жылдың 12 шілдесінде Сыбайлас жемқорлыққа қарсы іс-қимыл агенттігінде биылғы 1-ші жартыжылдығындағы жұмыс қорытындысы бойынша кеңейтілген алқа отырысы өткізілген-ді. Алқа жұмысына Президент Әкімшілігінің, Бас прокуратураның өкілдері, Қоғамдық кеңес мүшелері, сондай-ақ Агенттіктің және оның аумақтық бөлімшелерінің басшылық және жеке құрамы қатысты.
Агенттік Төрағасы Асхат Жұмағали өз баяндамасында Сыбайлас жемқорлыққа қарсы саясат тұжырымдамасының іске асырылуы, азаматтардың өмір сүру сапасын жақсартуға және елді дамытуға бағытталған қабылданып жатқан шаралар, сондай-ақ Мемлекет басшысының бірқатар тапсырмаларының орындалуы туралы хабардар етті.
Сыбайлас жемқорлыққа қарсы қызметтің алдын алу жұмыстары аясында ағымдағы жылы 113 талдау мен мониторинг жүргізілді.
Білім, ғылым және спорт саласында маңызды талдаулар аяқталды.
Бюджеттік процестерді автоматтандырудың және деректер базасын интеграциялаудың болмауынан туындаған бюджет қаражатын жоспарлау және игеру кезеңдеріндегі жүйелік тәуекелдер білім беру саласында анықталды.
Бүгінгі күні қабылданып жатқан шаралармен қосарланған қаржыландыру, «жоқ жандарға» төлемдер, үстемеақылар мен тіркеулерді асыра бағалау фактілері алынып тасталады.
Ғылым саласына жүргізілген талдау ғылыми жобаларды іріктеудің ашықтығына, оларды іске асырудың формальдылығына, нәтижелер үшін жауапкершіліктің болмауына, зерттеу қорытындыларының төмен сұранысына байланысты елеулі тәуекелдерді айқындады.
Жобалардың 90%-ы белгіленген мақсаттарға жете алмайды, ал зерттеулердің 70%-ы практикалық маңызы жоқ мақалалар және кітаптар жазумен аяқталады.
«Жоғары жетістіктер спорты» мен «бұқаралық спорт» арасындағы қаржыландыру теңгерімсіздігі, сондай-ақ оның ашықтығы спорт саласындағы теріс пайдалану үшін елеулі тәуекелдерді тудырды.
Агенттік қаржыландырудың ашықтығын, мемлекеттік қаражаттың тиімсіз жұмсалуын, өнім берушілердің үлестестігін, сатып алу бағасын көтеруді белгіледі.
Барлық көрсетілген талдаулар бойынша орындалуы Президент Әкімшілігінің бақылауындағы Тәуекелдерді жою туралы жол карталары әзірленді.
Дәрі-дәрмектермен сапалы қамтамасыз ету мәселесінің өзектілігіне байланысты «СК-Фармацияда» талдау жүргізілді. Компанияда анықталғандай, сатып алу жүйелері тиімсіз құрылған, қажетсіз «төлемдер» жасалған, көтерме жеткізушілердің картельдік келісімі бар және олардың қызметіне тиімді бақылау жоқ.
Агенттік жұмысында жемқорлыққа қарсы мәдениетті қалыптастыруға және парасаттылық құндылықтарын насихаттауға ерекше көңіл бөлінеді.
Бизнесті қорғау шеңберінде Сыбайлас жемқорлыққа қарсы қызмет «Бизнеске жол» жобасын іске асыруды жалғастыруда. Ағымдағы жылы 84 проблемалық кейс шешілді, 9,5 мыңға жуық кәсіпкердің құқықтары қорғалды. Мысалы, Түркістан облысында фермерлерге суармалы суды қайта сатқан делдалдардың қызметі тоқтатылды. Аталмыш ведомствоның бастамасы бойынша су жеткізушімен тікелей шарттар жасалды, бұл ауыл тұрғындары үшін бағаны 2 есеге төмендетті.
Сыбайлас жемқорлыққа қарсы қызметтің өңірлік бөлімшелері ағымдағы жылы проблемалық тұрғын үй және әлеуметтік объектілерді сүйемелдеуді жалғастырды.
Мониторингте 156 жоба бар, олардың 40-ы аяқталды.
Мәселен, Агенттіктің бақылауымен ағымдағы жылы 9 мектеп салынды, еліміздің 14 ауылында сумен жабдықтау іске қосылды.
Сыбайлас жемқорлықтың алдын алумен бір мезгілде жазаның бұлтартпаушылық қағидатын қамтамасыз етуге үлкен көңіл бөлінеді.
Жыл басынан бері 876 қылмыстық құқық бұзушылық тіркелді. Оның едәуір бөлігі парақорлық, жымқыру және лауазымдық өкілеттіктерді теріс пайдалану болып табылады. 592 адам әшкереленді, оның 107-сі — әртүрлі деңгейдегі басшылар. 329 адам сотталды.
Сонымен қатар, Агенттік қылмыстық топтарды, жоғары лауазымды тұлғалардың қатысуымен тұрақты схемаларды әшкерелеуге, жүйелі жемқорлықты анықтауға байланысты сандық емес, сапалық көрсеткіштерге бағдарланған. Бұзылған құқықтар мен әлеуметтік әділеттілікті қалпына келтірудің маңызды құрамдас бөлігі залалды өтеу және активтерді қайтару болып табылады.
Ағымдағы жылы аяқталған істер бойынша 195 миллиард теңге өтелді. Ал 2,5 жыл ішінде Қазақстан халқына 1,07 триллион теңге қайтарылды.
Агенттік халықаралық құқық қорғау желілерімен – БҰҰ жанындағы GlobE, Эгмонт, CARIN және ARIN тобымен белсенді ынтымақтастық құрылды, бұл шетелдік серіктестермен ақпарат алмасуды айтарлықтай жеделдетеді және жеңілдетеді.
Бүгінгі таңда Агенттік жемқорлыққа қарсы ведомстволармен 13 меморандум жасап, оның төртеуіне биыл қол қойылды. Олар — Әзірбайжан, Гонконг, Қатар және Ресей.
Сондай-ақ, алқа отырысында түрлі салалардағы жемқорлыққа қарсы іс-қимыл, цифрлық құралдарды енгізу, жоспарланған заңнамалық өзгерістер, қылмыстық процесте адам құқықтарының заңдылығын және қорғалуын қамтамасыз ету мәселелері талқыланды.
Талқылау барысында пікір алмасып, қабылданып жатқан жемқорлыққа қарсы шараларды жетілдіру бойынша бірқатар ұсыныстар айтылды.
Қорытындылай келе, Асхат Жұмағали Агенттіктің жемқорлыққа қарсы саясатты сапалы іске асыру жөніндегі жұмысын жалғастыратынын атап өтті, оның негізгі бағыттары жемқорлыққа қарсы ымырасыз күрес, оның алғышарттарын жою, жазаның бұлтартпастығын қамтамасыз ету, заңсыз шығарылған активтерді қайтару және бизнесті жемқорлықтан қорғау болып қала береді.
Ведомство басшысы Мемлекет басшысының азаматтарымыздың әл-ауқатын арттыруға және елдің әлеуметтік-экономикалық дамуына бағытталған тапсырмаларының мүлтіксіз орындалуын қамтамасыз ету туралы айтты. Агенттіктің құрылымдық және аумақтық бөлімшелерінің басшыларына тиісті тапсырмалар берілді.
Егер Сіз жемқорлық фактілеріне тап болсаңыз, @antikorkz_bot Telegram-боты немесе 1424 нөмірі арқылы шұғыл хабарлаңыз.
«ANYQ.KZ»-ақпарат.
