Бүгін Абай күні қарсаңында Түркістан облыстық «Фараб» әмбебап ғылыми кітапханасының ұйымдастыруымен іс-шаралар өткізу жоспарланып отыр. Онкүндіктің ашылу іс-шарасында сөз алған кітапхананың әдістемелік-инновациялық дамыту бөлімінің меңгерушісі Дана Байдәулетова атаулы күннің маңызына тоқталды.
Шара барысында Түркістан қалалық балалармен жасөспірімдер шығармашылығы орталығының көркем сөз үйірмесіне қатысушылар Абай Құнанбайұлының өлеңдерін жатқа оқыды. Сондай-ақ келушілерге арнайы жасақталған «Абай мұрасы – халық ұлағаты» тақырыбындағы кітап көрмесі таныстырылды. Әрі қарай жоспар бойынша күнделікті іс-шараларға ұласып, 10 тамызға дейін жалғасады. Онда кеңейтілген кітап көрмесі, әлеуметтік желілерде танымдық сауалнама, викториналық сұрақтар, сурет байқауы, қара сөздері мен өлеңдерін жатқа айту сайысы сынды мазмұнды шаралар Абай ескерткішіне тағзым жасаумен қорытындыланбақ.
Айта кетейік, Абай күні — Қазақстан Республикасының мерекелік күнтізбесіне енген күн. ҚР Үкіметінің Қаулысымен 2020 жылы 10 тамыз – Абай күні болып белгіленді. Сол жылы Абай Құнанбайұлының 175 жылдық мерейтойы аталып өтті. Бұл мереке 2020 жылы аталып өтілетін Абай Құнанбайұлының 175 жылдық мерейтойының қарсаңында бекітілді. Биыл Абай Құнанбайұлының 179 жылдығы аталып өтеді. Еліміздің мерекелік күнтізбесіне енген дәл осы күні әр өңірде шығармаларын насихаттайтын түрлі әдеби-мәдени шаралар ұйымдастырылады.
Қазақтың ұлы ақыны және ағартушысы 1845 жылы Семей облысында дүниеге келген. Абайдың шығармашылығы мен қайраткері бүгінгі күнге дейін ұлттық сананың символы.
Ал 10 тамыз – ақын, ағартушы, қазақ әдеби тілінің негізін қалаушы, философ, сазгер Абай Құнанбайұлының туған күні.
Абай Құнанбайұлы (1845-1904) – ақын–ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер.
Абай Құнанбайұлы — қазақтың ұлы ақыны, ағартушысы, композиторы, қазақ жазба әдебиетінің негізін қалаушы. Қазақстандықтар оның поэмалары, өлеңдері мен аудармаларымен бала кезінен таныс.
Абай өзінің мағынасы терең және тілі бай шығармаларында адамдарды еңбекке, білімге, рухани дамуға шақырды.
Абайдың прогрессивті көзқарастары бүгінде ерекше өзектілікке ие, өйткені оның идеяларына гуманистік және ағартушылық сипаттар тән.
Абай 170-ке жуық өлең, поэма мен «қара сөздерін» жазып, 56 аударма жасады. Оның аудармаларының арқасында әлемдік әдебиет классиктерінің шығармаларын қазақ тілінде оқуға мүмкіндік туды.
Абай Құнанбаев Шығыс және батыс мәдениетін біріктірген алғашқы қазақ ақыны болды. Қазақстандықтар Пушкин, Лермонтов, Байрон және Гете шығармаларының аудармаларын осы күнге дейін оқиды.
Абай Құнанбаевтың шығармашылығына орай Қазақстанда 500-ден астам іс-шара жоспарланған. Мерекелер қалалар мен облыс орталықтарындағы Абай ескерткіштеріне гүл шоқтарын қою рәсімінен басталады. Алматыдағы «Алатау» дәстүрлі өнер театрында концерт-спектакль өтеді.
Ақын шығармашылығының жанкүйерлерін Абай оқулары, әдеби-музыкалық кештер, Астанада викториналар күтеді.
Мемлекет басшысы Қасым-Жомарт Тоқаев Абайдың елдің дамуына зор үлес қосқанын атап өтті.
«Ұлы ақын ұлтты біріктіруге және әділ қоғам құруға шақырды. Біз ұсынатын «халық үніне құлақ асатын мемлекет» тұжырымдамасы оның көзқарастарының жалғасы болып табылады. Мемлекет пен азаматтардың проблемаларды бірлесіп талқылауы — өркениетті қоғамның белгісі. Мұндай пікір алмасу қоғамның үкіметке деген сенімін арттырады және тұрақтылықты нығайтады. Ұлы Абай билік пен халықты біріктіретін осы идеяның бастауында тұр деп айтуға болады», – деді Мемлекет басшысы.
«ANYQ.KZ»-ақпарат.
