Шымкентте жыл басынан бері 246 мүмкіндігі шектеулі азамат жұмыспен қамтылды

Шымкентте жыл басынан бері 200-ден аса мүмкіндігі шектеулі азамат жұмыспен қамтылды. Бұл туралы Шымкент қаласы әкімдігінің баспасөз қызметі хабарлайды.


Оның ішінде 171 адам уақытша жұмыспен қамтылса, мүгедектігі бар 73 азамат тұрақты жұмысқа орналастырылды. «Бизнес бастау» кәсіпкерлік негіздері оқыту курсына 2 адам жолданған.

Қамкөңіл жандар жеке кәсіптерін ашып, еңбектенуге деген құлшыныстарын да көрсете білді. 3 адам шағын несие және 29 азамат мемлекеттік грант алған. 100 адам «Бастау бизнес» оқу курсынан өтті. Жалпы, жыл соңына дейін 712 мүмкіндігі шектеулі азаматты жұмыспен қамту жоспарлануда.

Қалалық жұмыспен қамту орталығы мамандарының мәліметінше, Шымкентте былтыр мүгедектігі бар 1071 адам «Еңбек» бағдарламасының шараларына қатысқан. Атап айтқанда, қысқа мерзімді кәсіптік оқыту курстарында 153 адам оқытылып, тұрақты жұмысқа 509 адам орналастырылған. Әлеуметтік жұмыс, жастар практикасы мен ақылы қоғамдық жұмыспен уақытша жұмыс орындарына 277 азамат жолданды.

«ANYQ.KZ» — ақпарат

Ad Widget

Recommended For You

About the Author: admin

Добавить комментарий

Ваш адрес email не будет опубликован.