Шымкент: «Асар» шағынауданында 500 түп жеміс ағашы отырғызылды

Шымкент қаласы, Қаратау ауданы, «Асар» шағынауданында 500 түп жеміс ағашы отырғызылды. Бұл туралы Шымкент қаласының Ақпараттық-коммуникациялық орталығы мәлім етті.


Бүгін Шымкент қаласындағы «Асар» шағынауданында «Таза табиғат» экологиялық жалпыұлттық жобасы аясында 500 түп жеміс ағашы отырғызылды.

Атап өту керек, Қаратау ауданы әкімдігі ұйымдастырған игі шараға 100-ге жуық аудан тұрғыны мен 7 техника жұмылдырылып отыр.  Осылайша бүгін, «Асар» шағынауданындағы орталық көшелердің бойына алма, алмұрт, өрік жəне шие ағаштары отырғызылды.

Аудан ақсақалдары жеміс ағашының көгеруі мен еліміздің гүлденуі үшін дұға етіп, ертең ағаштар көктеп өскенде оның саясында демалғаны үшін, оның жемісін жегені үшін әрбір егушіге жақсылық жазылатынын айтты.

Қаратау ауданы әкімдігінің мәлімдеуінше, аталған жұмыстар жыл соңына дейін жалғасады. Наурыз айында ауданда жалпы 5 мыңға жуық ағаш көшеттері отырғызылады деп жоспарлануда екен.

Еске сала кетейік, елімізде Наурыз мерекесі қарсаңында «Таза табиғат» экологиялық жобасы басталған болатын.

 «ANYQ.KZ»-ақпарат

Ad Widget

Recommended For You

About the Author: admin

1 Comment

Добавить комментарий

Ваш адрес email не будет опубликован.