Шымкент: «Асар-2» шағынауданында 2 723 үй таза сумен қамтылатын болады

Шымкент қаласында бүгінде 6 шағынауданда ішкі ауызсу жүйелерінің құрылысы жүргізілуде. Бұл туралы Шымкент қаласының Ақпараттық-коммуникациялық орталығы хабарлайды.


Солардың бірі «Асар-2» шағынауданында су құбыры тартылып, тиісті жұмыстар жүріп жатыр. Бұл туралы Шымкент қалалық Энергетика және коммуналдық шаруашылық басқармасы хабарлады.

Су құбыры нысаны 2020 жылдың мамыр айында басталды. Құрылыс ұзақтығы 9 ай мерзімде аяқталады деп жоспарлануда. Тартылатын су құбырының ұзындығы 156,1 км.

Аталған жұмыстар бойынша бас мердігер «Сарыағаш Аман» жауапкерлігі шектеулі серіктестігі, ал техникалық қадағалаушы «Арх Строй Сервис-А» ЖШС болса, жобалаушы мекеме «УЛМАД» ЖШС-і.

Нәтижесінде биыл қыркүйек айында «Асар-2» шағынауданындағы 2 723 үй таза сумен қамтылатын болады.

Айта кету керек, Шымкент қаласында бүгінде 6 шағынауданда ішкі ауызсу жүйелерінің құрылысы жүргізілуде.

Атап айтқанда, Тұран шағынауданында ауызсу жүйесінің құрылысына 2021 жылға 378,2 млн теңге қаралған. Ауызсу құбырының жалпы ұзындығы – 59,8 шақырым. Қазіргі таңда 51,4 шақырым (86 пайыз) жұмыстар орындалды. Нысанды аяқтау мерзімі – 2021 жылдың 3- тоқсаны.

«ANYQ.KZ» — ақпарат

Ad Widget

Recommended For You

About the Author: admin

Добавить комментарий

Ваш адрес email не будет опубликован.